Dalilah Muhammad

Frå Wikipedia – det frie oppslagsverket
Dalilah Muhammad


Statsborgarskap USA
Fødd 7. februar 1990 (34 år)
New York by
Idrett friidrett
Tok del i

Friidrett under Sommer-OL 2016 – 400 meter hekk kvinner, Friidrett under Sommer-OL 2020 – 400 meter hekk kvinner, Friidrett under Sommer-OL 2020 – 4 × 400 meter stafett kvinner

Dalilah Muhammad (fødd 7. februar 1990) er ein USA-amerikansk friidrettsutøvar frå New York City som vart olympisk meister i 400 meter hekk under Sommar-OL 2016 i Rio de Janeiro og verdsmeister i same øvinga i Doha i 2019. I tillegg har ho vunne VM-gull 2019 og OL 2021 i 4 x 400 meter stafett.

Aktiv[endre | endre wikiteksten]

Muhammad sette personleg rekord med 53,83 sekundar då ho i 2013 vart USA-meister i Des Moines. Under VM i Moskva tok ho sølvmedaljen framfor landskvinna Lashinda Demus, begge fullstendig parkert av tsjekkiske Zuzana Hejnová.

Etter eit par sesongar med svakare prestasjonar, vann Muhammad i Eugene den USA-amerikanske meisterskapen på sterke 52,88 sekundar. Mindre enn to månader seinare sikra ho seg gullmedaljen i 400 meter hekk under Sommar-OL i Rio de Janeiro. 23. juni 2017 forsvarte Muhammad i Sacramento den nasjonale meistertittelen på langhekken med den glitrande tida 52,64. Ho var favoritt til å vinne VM-gull i London, men vart der klart slått av landskvinna Kori Carter.

I VM-finalen på langhekken i Doha 2. oktober 2019 sette Muhammad verdsrekord med tida 52.16, sterkt pressa av landskvinna Sydney McLaughlin. To dagar seinare sprang dei to kvar sin etappe for USA-mannskapet som vann gull i 4 x 400 m stafett. 4. august 2021 kjempa dei same to utøvarane om sigeren på 400 meter hekk under Sommar-OL i Tokyo, McLaughlin forbetra verdsrekorden til 51,46 sekundar, også Muhammad på andreplass presterte livsbeste med sine 51,58. I OL-finalen i 4 x 400 m stafett sprang McLaughlin og Muhammad på ny USA inn til gull.

Medaljar og plasseringar i internasjonale meisterskap[endre | endre wikiteksten]

  • VM 2013 i Moskva: Sølv i 400 m hekk – 54,09, bakom Zuzana Hejnová (52,83)
  • OL 2016 i Rio de Janeiro: Gullmedalje i 400 m hekk – 53,13, framom Sara Petersen (53,55)
  • VM 2017 i London: Sølv i 400 m hekk – 53,50, bakom Kori Carter (53,07)
  • VM 2019 i Doha: Gull i 400 m hekk – 52,16, framom Sydney McLaughlin (52,23). Gull i 4 x 400 m stafett (3.18,9)
  • OL i 2021 i Tokyo: Sølv i 400 m hekk – 51,58, bakom Sydney McLaughlin (51,46). Gull i 4 x 400 m stafett (3.16,8)

Kjelder[endre | endre wikiteksten]