Damphreux-Lugnez

	Damphreux-Lugnez
	kommune
	St-Ferréol-et-Ferjeux-kyrkja
	Våpenskjold
	Våpenskjold
Land	Sveits
Kanton	Jura
Distrikt	Porrentruy
Språk	fransk
	; Damphreux-Lugnez; 47°29′05″N 7°05′55″E / 47.484722222222°N 7.0986111111111°E
	Wikimedia Commons: Damphreux-Lugnez

Damphreux-Lugnez er ein kommune i distriktet Porrentruy i kantonen Jura i Sveits.

Historie

Prosessen med å slå saman dei to kommunane Damphreux og Lugnez byrja i februar 2020 med opprettinga av ein kommisjon som hadde i oppgåve å utarbeida ein fusjonsavtale. Resultata blei presenterte på informasjonsmøte i mai og november 2021. Kantonregjeringa godkjende denne avtalen i desember 2021, og han blei presentert til folka i dei to kommunane 13. februar 2022. Avtalen blei vedteken i Damphreux med 81 til 21 stemmer (stemmedeltaking 70 prosent) og i Lugnez med 81 til 24 stemmer (stemmedeltaking 72 prosent).^[1]

1. januar 2023 blei dei tidlegare kommunane Damphreux og Lugnez samla til den nye kommunen Damphroux-Lugnez.^[2]

Transport

Kommunen ligg ved to regionale vegar. Den eine fører frå Porrentruy gjennom Coeuve og Damphreux til Frankrike, den andre har gatenummer 246.1 og går gjennom kommunen på aksen Montignez-Beurnevesin. Ei bussrute frå Porrentruy til Beurnevésin gjer at dei to busetnadane i kommunen, Damphreux og Lugnez, er tilslutta offentleg transport.

Kultur

Damphreux er del av eit katolsk kyrkjesokn i lag med Lugnez. Soknekyrkja Saints-Ferréol-et-Ferjeux er rekna som morkyrkja til Ajoie, sidan ho blei bygd på 1000-talet og er den eldste i regionen.^[3] Det noverande kyrkjebygget er frå 1867, og er del av den sveitsiske lista over kulturminne av regional tyding.

I ein dal søraust for landsbyane ligg Étangs de Damphreux, to tidlegare fiskedammar.