Daniel Hubmann
| Daniel Hubmann | |
|
| |
| Statsborgarskap | Sveits |
| Fødd | 16. april 1983 (41 år) Eschlikon |
| Idrett | orientering |
| Tok del i | Verdenslekene 2005, Verdenslekene 2009, Verdenslekene 2013 |
Daniel Hubmann (fødd 16. april 1983) er ein sveitsisk orienteringsløpar frå Eschlikon. Han er seksfaldig verdsmeister individuelt og to gongar i stafett. I seks sesongar gjekk han til topps i verdscupen i orientering.
Aktiv
[endre | endre wikiteksten]Hubmann kom på andreplass på kortdistansen ved VM 2005 og i VM 2006, begge gongane bak svenske Emil Wingstedt. Han vann sitt fyrste VM-gull i 2008 på klassiskdistansen, ein meisterskap der han også sikra seg sølv- og bronsemedalje. Endå betre gjorde han det i verdsmeisterskapen i 2009. Han forsvarte då VM-tittelen på klassiskdistansen og vann stafetten med Sveits, i tillegg tok han ein sølv- og ein bronsemedalje. Sidan heldt han fram å vinne medalje i nesten kvart einaste verdsmeisterskap i åra fram til 2021. Han vann gullmedaljen på kortdistansen ved VM 2011, VM 2017 og VM 2018, og på mellomdistansen i 2015. Åra frå 2015 til 2021 sanka han 8 VM-gull, 10 VM-sølv og ni VM-bronsar.
Hubmann var beste poengplukkar i verdscupen i orientering åra 2008-11 og 2014-15. Bortsett frå 2012-sesongen var han årleg ein av dei tre beste i verdscupen i tida frå 2005 til 2017.
Hubmann vart europameister på klassiskdistansen i 2010 i Primorsko, og på kortdistansen i Ticino i 2018. I alt vann han 10 (2-6-2) EM-medaljar.
Medaljar og plasseringar i verdsmeisterskap
[endre | endre wikiteksten]- VM 2005: Sølv på kortdistansen, bronse i stafett
- VM 2006: Sølvmedalje på kortdistansen
- VM 2007: Nr 4 på kortdistansen
- VM 2008: Gull på klassiskdistansen, sølv på kortdistansen, bronse i stafett
- VM 2009: Gull på klassiskdistansen, sølv på mellomdistansen, bronse på kortdistansen, gull i stafett
- VM 2010: Bronse på mellomdistansen og i stafett
- VM 2011: Gullmedalje på kortdistansen
- VM 2013: Nr 5 på mellomdistansen
- VM 2014: Sølv på klassiskdistansen, kortdistansen og i stafett
- VM 2015: Gull på mellomdistansen, sølv på klassiskdistansen, gull i stafett
- VM 2016: Bronse både på klassiskdistansen, mellomdistansen og på kortdistansen, sølv i stafett
- VM 2017: Gull på kortdistansen
- VM 2018: Gull på kortdistansen, sølv på mellomdistansen og i stafett
- VM 2019: Bronsemedalje på klassiskdistansen
- VM 2021: Nr 4 på klassiskdistansen
Kjelder
[endre | endre wikiteksten]- Denne artikkelen bygger på «Daniel Hubmann» frå Wikipedia på engelsk, den 14. juli 2023.