Dataspelet Mario Party

Frå Wikipedia – det frie oppslagsverket
Hopp til navigering Hopp til søk
Mario Party
Utviklar(ar)Hudson Soft
Utgjevar(ar)Nintendo
Komponist(ar)Yasunori Mitsuda
SerieMario Party
Plattform(er)Nintendo 64
UtgjevingJP: 18. desember 1998
NA: 8. februar 1999
EU: 9. mars 1999
SjangerSelskap
Spelemodusfleirspelar, einspelar

Mario Party er eit selskapsspel utvikla av Hudson Soft og utgjeve av Nintendo til Nintendo 64. Spelet vart utgjeve i desember 1998 i Japan, og i februar og mars året etter i Nord-Amerika og Europa. Det er det første spelet i Mario Party-serien og vart etterfølgt av Mario Party 2 i 1999.

Mario Party har seks spelbare figurar og er presentert som eit tradisjonelt brettspel. Målsettinga i spelet er å samle stjerner innan den fastsette mengda turar, og vinnaren er den figuren med flest stjerner når spelet er over. Stjernene kan kjøpast med myntar, som kan vinnast ved å vere med minispel, som ein speler ein gong på slutten av kvar tur.

I Mario Party krev nokre av minispela at spelarane roterer den analoge stikka på Nintendo 64-kontrollen så fort dei klarer. Det er hevda at nokre spelarar skal ha fått blemmer, brennemerke og kuttskadar på hendene av å rotere den analoge stikka, ved å bruke handflatene i staden for tomlane.[1] Denne bruken av den analoge stikka i minispela vart tona ned i framtidige Mario Party-spel og Nintendo har ikkje gjeve ut det første spelet i serien på nytt gjennom Virtual Console, men hoppa i staden over til Mario Party 2, både på Wii og Wii U.

Kjelder[endre | endre wikiteksten]

  1. «Gaming Can Seriously Damage Your Health». Eurogamer. 1. mai 2000. Henta 27. oktober 2020.