Davik kyrkje

Frå Wikipedia – det frie oppslagsverket
Hopp til navigering Hopp til søk

Koordinatar: 61°53′31″N 5°31′55″E

Davik kyrkje
kyrkje
Davik kirke T304 01 0055.jpg
Land Flag of Norway.svg Noreg
Fylke Sogn og Fjordane
Kommune Bremanger
Kyrkjesamfunn Den norske kyrkja
Bispedøme Bjørgvin
Prosti Nordfjord
Sokn Davik
Fellesråd Bremanger
Type Langkyrkje
Arkitekt Georg Andreas Bull[1]
Material Tre
Innvigd 6. juli 1886[1]
Sitjeplassar 500[1]
Wikimedia Commons: Davik kirke

Davik kyrkje står i bygda Davik i Bremanger kommune i Sogn og Fjordane, og er ei langkyrkje bygd i tre i 1886.[1]

Davik kyrkje is located in Sogn og Fjordane
Plasseringa til Davik kyrkje

Kyrkja vart sett opp etter teikningar laga av arkitekt Georg Andreas Bull og har sitjeplassar til 500 personar. Før det vart sett inn orgel på galleriet i 1933 var det plass til kring 700 personar i kyrkja, og ho er ei av dei største i fylket.[1]

Altartavla er frå 1885 og viser nattverden. Ho er laga av Anders Ohrem og Ole Marius Holmøe. Preikestolen er rikt utskoren og er frå 1600-talet.[1]

Davik kyrkje er soknekyrkje for Davik sokn i Nordfjord prosti. Området høyrde fram til 1740 til Eid prestegjeld. Då vart sokna Davik, Rugsund og Ålfoten skilde ut som eit eige prestegjeld som fekk namnet Davik.[2]

Det har vore kyrkje på Davik sidan mellomalderen. Ein finn Davik-kyrkja nemnd fyrste gongen i kjeldene i 1306. Kyrkja som då stod var truleg ei stavkyrkje frå 1200-talet. Det neste kyrkjebygget vart reist i 1655 og var ei tømra langkyrkje. Denne vart i sin tur erstatta av ei krosskyrkje i 1750 [2] Krosskyrkja stod til etter at den noverande kyrkja stod ferdig i 1886, då vart ho riven. Grunnen til at kyrkja frå 1750 vart erstatta var at ho var vorten for lita.[1]

Sjå òg[endre | endre wikiteksten]

Kjelder[endre | endre wikiteksten]

Fotnotar[endre | endre wikiteksten]

Bakgrunnsstoff[endre | endre wikiteksten]