De Havilland DH 89 Dragon Rapide
 | Opprydding: Denne artikkelen kan ha godt av ei opprydding. Sjå korleis du redigerer ei side og stilmanualen for hjelp. |
De Havilland DH 89 Dragon Rapide var eit vellukka britisk passasjerfly frå 1930-talet. Det vart konstruert som ein etterfølgjar av De Havilland DH 84 Dragon, i likskap med den fire-motorflyet De Havilland DH 86 Express.
Flyet vart kjent, blant anna i 1936 då General Franco vart frakta i ein DH 89 frå eksil i Afrika til Spania ved utbrotet av den spanske borgarkrigen.
Ved utbrotet av andre verdskrigen vart mange Dragon Rapide-fly rekvirerte av britiske styrkar, og saman med nye bestillingar frå RAF vart dei brukte under nemninga «de Havilland Dominie». Dei vart brukte til passasjertransport og som øvingsfly for radionavigasjon.
Det vart bygt i alt 731 eksemplar. Dei har vist seg å vera utruleg seigliva, og fleire flyr framleis som veteranfly. Ved IWM Duxford flymuseum i Cambridgeshire vert eit par av dei brukt dagleg til korte turar over flyplassen. På New Zealand finst òg eit par flygedyktige Dragon Rapide-fly.
Militærfly
[endre | endre wikiteksten]Det vart brukt som militærfly av Australia, Spania, Storbritannia (Fleet Air Arm, Royal Air Force) og USA.
Dragon Rapide i Noreg
[endre | endre wikiteksten]Eitt einaste eksemplar av flyet har vore registrert i Noreg. LN-BFB «Lappi» vart skaffa av A/S Skogbruksfly i Sokna i 1955. Selskapet hadde det fram til 1959 då det vart selt til NOR Flyselskap på Eggemoen. Flyet har i dag callsign G-AKIF og flyr for Classic Wings UK på Duxford under det årlege «Flying Legends» i juli der publikum vert invitert til å kjøpa billett og verta med opp i lufta.
Kjelder
[endre | endre wikiteksten]- Denne artikkelen bygger på «De Havilland DH 89 Dragon Rapide» frå Wikipedia på bokmål, den 24. september 2018.
