De Heibergske Samlinger – Sogn Folkemuseum

Frå Wikipedia – det frie oppslagsverket
Gå til: navigering, søk

Koordinatar: 61°11′16″N 7°13′4″E

Hovudbygningen

De Heibergske Samlinger – Sogn Folkemuseum er eit museum i Kaupanger i Sogn og Fjordane. Museet blei skipa av Gert Falch Heiberg i 1909. Frå 2009 er det ein del av Musea i Sogn og Fjordane.

Historie[endre | endre wikiteksten]

Museet har fått namnet sitt frå museumspioner Gert Falch Heiberg. Heiberg samla gjenstandar frå Sogn tidleg på 1900-talet, og i 1905 bygde han ein utstillingsbygning. I 1909 donerte han samlinga si til Historielaget for Sogn og De Heibergske Samlinger – Sogn Folkemuseum vart etablert og bygd opp på ein del av Heiberg sin eigedom.[1]

Museet på Kaupanger[endre | endre wikiteksten]

Helgeheimstova

Museet ligg på Kaupanger i Sogndal kommune og omfattar et friluftsmuseum med om lag 30 bygningar som stammar frå ulike tidsepokar - frå mellomalderen til 1980-talet, eit tradisjonelt gardsbruk med hest, kyr, sauer, griser og høns, samt utstillingsbygning med faste og skiftande utstillingar. Museet har også kafé og museumsbutikk. Utstillingsbygningen er open heile året, medan resten av museet har ope frå mai til september.[2]

Eit av tilboda som besøkande og andre kan nytte seg av er innspelte lydguidar som fortel historia til 40 punkt og bygningar i friluftsmuseet. Desse lydfilene kan lastast ned på museet si heimeside.[3]

Avdelingar[endre | endre wikiteksten]

De Heibergske Samlinger – Sogn Folkemuseum har to avdelingar: Sogn Fjordmuseum ligg ved Kaupanger ferjekai med båtar og alt som har med fjordkulturen å gjera, og Norsk Reiselivsmuseum i Balestrand vart en del av museet i 2007.

Kjelder[endre | endre wikiteksten]

  1. Engesæter, Aage (2001), Kulturhistorisk leksikon, Fylkesarkivet i Sogn og Fjordane
  2. Om museet De Heibergske Samlinger - Sogn Folkemuseum
  3. Lydguide til friluftsmuseet

Bakgrunnsstoff[endre | endre wikiteksten]