Debbie Flintoff-King
| Debbie Flintoff-King | |
| Statsborgarskap | Australia |
| Fødd | 20. april 1960 (63 år) Melbourne |
| Idrett | friidrett |
| Tok del i | |
| Utmerkingar |
Den australske sportsmedaljen, Athletics Australia Hall of Fame, Order of Australias medalje |
Debbie Flintoff-King, fødd Debra Lee Flintoff, (fødd 20. april 1960) er ein australsk tidlegare friidrettsutøvar frå Melbourne som vart olympisk meister på 400 meter hekk i 1988 og vann VM-sølv i same øvinga i 1987.
Aktiv[endre | endre wikiteksten]
Debbie Flintoff var heilt suveren på langhekken under Samveldeleikene 1982 i Brisbane, med tida 55,89 sekundar var ho langt over sekundet før nummer to i løpet. Ho heldt ikkje same nivå då den fyrste verdsmeisterskapen i friidrett fann stad i Helsinki sommaren 1983 og måtte sjå ein finaleplass gå fløyten. I 1984 enda ho på sjetteplassen i spesialøvinga under sommarleikane i Los Angeles. Flintoff forsvarte i 1986 samveldetittelen på langhekken, og var med tida 54,94 endå meir suveren i øvinga i Edinburgh enn ho var i Brisbane fire år tidlegare. I Edinburgh vart ho også samveldemeister i 400 m flatt med tida 51,29 sekundar.
Under verdsmeisterskapen 1987 i Roma tok Flintoff sølvmedaljen i 400 m hekk, over halvsekundet bakom den suverene vinnaren, Sabine Busch frå Aust-Tyskland. Den 28. september 1988 var det klart for OL-finale på 400 meter hekk fot kvinner i Seoul. Flintoff-King hadde imponert i semifinaleløpet og sett olympisk rekord med 54,00 sekundar, eitt fattig hundredels sekund framom sovjetiske Tatjana Ledovskaja. I finalen forbetra det to seg kraftig, Flintoff-King gjorde sitt livs løp og vann på tida 53,17 sekundar, og som i semifinalen viste ho Ledovskaja til andreplassen, slått med ein einaste hundredel av eit sekund.
Flintoff-King la opp i 1989.
Medaljar og plasseringar i internasjonale meisterskap[endre | endre wikiteksten]
- VM 1983 i Helsinki: Utslått i semifinalane (56,63 =nr 9)
- OL 1984 i Los Angeles: Nr 6 – 56,21
- VM 1987 i Roma: Sølvmedalje – 54,19, bakom Sabine Busch 53,62
- OL 1988 i Seoul: Gullmedalje – 53,17, framom Tatjana Ledovskaja (53,18)
Kjelder[endre | endre wikiteksten]
- Denne artikkelen bygger på «en:» frå Wikipedia på engelsk, den 25. mai 2018.
- «Debbie Flintoff-King» (på engelsk). Olympedia. Henta 12. mars 2023.