Debrah Scarlett
| Debrah Scarlett | |||
.jpg) | |||
| Fødd | 20. juli 1993 (33 år) | ||
|---|---|---|---|
| Fødestad | Basel | ||
| Opphav | Noreg, Sveits | ||
| Aktiv | 2013– | ||
| Sjanger | pop | ||
| Instrument | vokal | ||
| Verka som | songar, komponist, låtskrivar | ||
Joanna Deborah Bussinger (fødd 20. juli 1993 i Basel i Sveits), kjend under artistnamnet Debrah Scarlett,[1][2] er ein norsk-sveitsisk songar og musikar.[3]
Liv og virke
[endre | endre wikiteksten]Bakgrunn
[endre | endre wikiteksten]Scarlett vaks opp i Sveits og Noreg. Frå ho var seks til ho var ti år gammal budde ho med familien sin i Hakadal i Nittedal.[3]
Etter å ha flytta tilbake til Sveits reiste Scarlett mykje fram og tilbake mellom Sveits og Noreg. I 2013 deltok ho i The Voice – Norges beste stemme på norske TV 2, der ho kom til semifinalen.[4] Hausten 2014 flytta ho tilbake til Noreg for godt for å kunne starte ein musikkarriere der,[3] og i 2015 vann ho saman med Kjetil Mørland Melodi Grand Prix med låten «A Monster Like Me».[5]
Karriere
[endre | endre wikiteksten]
Hausten 2013 deltok Scarlett i det norske talentprogrammet The Voice – Norges beste stemme, der ho prøvesong med låten «Make You Feel My Love». Scarlett ble med på laget til Sondre Lerche og kom til semifinalen. I løpet av sangkonkurransen covra ho Florence and the Machine, Rihanna, Sonny Bono og The Black Keys. Ho har seinare omtala deltakinga i programmet som ein «døropnar». «The Voice fikk i gang karrieren min og ble en døråpner. Etter det har jeg jobbet mye med musikken, og jeg har blitt eldre og mer selvsikker.»[4]
Hausten 2014 flytta Scarlett tilbake til Noreg, der ho mottok ein førespurnad frå artisten Kjetil Mørland om å bidra på ein song til Melodi Grand Prix.[6] Scarlett takka ja til tilbodet etter å ha lese songteksta.[7] Mørland ønskte ho som partner etter å ha sett ho i The Voice.[6][4] Songen heitte «A Monster Like Me» og vann Melodi Grand Prix i 2015 med 88 869 røyster. Songen vart dimed det norske bidraget til Eurovision Song Contest 2015.[7] Songen handlar om å konfrontere noko uoppgjort frå fortida og å måtte gje slepp på den man elskar.[3] Både Adressa og Dagbladet roste stemma hennar og samanlikna Scarlett med den britiske songerinna Adele.[8][2] Songen gjekk vidare frå semifinalen 21. mai og var finalist nr. 9 i finalen 23. mai. Debrah Scarlett og Mørland enda på 8.-plass i den internasjonale finalen med 102 poeng.
5. august 2015 deltok Scarlet i NRK-programmet Sommeråpent der ho framførte «Always On My Mind» med Mørland. Ho deltok også i musikkprogrammet Beat for beat 4. desember 2015. Ho framførte «A Monster Like Me» saman med Mørland i Melodi Grand Prix 2016.[9]
Scarlett gav ut debutsingelen som soloartist, «To Figure», 26. februar 2016.[10] Den er komponert og skriven av Scarlett og vart gjeven ut utan platekontrakt.[11] Låten var ei blanding av fleire stilartar, og Scarlett ville ikkje vere «sjangerbunden». Den sveitsiske nettsida Blick.ch kalla låten «ein sterk ballade med djupn og mykje hjarte».[11] EP-en DYS(U)TOPIA vart gjeven ut 17. mars 2017 med singelen «Cynical Youth». Nico Schmied og Gregor Brändli regisserte musikkvideoen til singelen.[12]
Diskografi
[endre | endre wikiteksten]EP-ar
[endre | endre wikiteksten]| Tittel | Informasjon |
|---|---|
| DYS(U)TOPIA |
|
| Phase I:XI |
|
Singlar
[endre | endre wikiteksten]| År | Tittel | Topplassering | Album | |||
|---|---|---|---|---|---|---|
 [13] |
 [14] |
 [15] |
 [16] | |||
| 2015 | «A Monster Like Me» (med Mørland) | 23 | 17 | 92 | 45 | Make a Sail (Mørland) |
| 2016 | «To Figure» | – | – | – | – | — |
| 2017 | «Cynical Youth» | – | – | – | – | DYS(U)TOPIA |
| 2020 | «Dogma» | — | — | — | — | Phase I:XI |
| «Slow Down» | — | — | — | — | ||
| «Medusa» | — | — | — | — | ||
| «Dreamer» | — | — | — | — | ||
Kjelder
[endre | endre wikiteksten]- ↑ Elisabeth Johnsen (2015-03-14). «Drømmen er en billett til Wien». Romerikes Blad. Henta 2015-03-15.
- 1 2 Guro Havro Bjørnstad, Jonas Pettersen, Sveinung U. Ystad (2015-03-14). «Mørland & Debrah Scarlett vant Melodi Grand Prix». Dagbladet. Henta 2015-03-15.
{{cite web}}: CS1 maint: multiple names: authors list (link) - 1 2 3 4 Hege Bakken Riise (2015-01-21). «Mørland & Debrah Scarlett». NRK. Henta 2015-03-15.
- 1 2 3 Margrethe Miljeteig (2015-03-14). «The Voice-Debrah vant hele Melodi Grand Prix». TV 2. Henta 2015-03-15.
- ↑ Sigbjørn Høidalen (2015-01-21). «Hakadøl i Melodi Grand Prix-finalen». Varingen. Arkivert frå originalen 2015-12-11. Henta 2015-03-15.
{{cite web}}: Invalid|url-status=død(hjelp) - 1 2 Arve Henriksen (2015-03-15). «Kan vinne både for Norge og Sveits». Aftenposten. Henta 2015-03-15.
- 1 2 «Melodi Grand Prix 2015 - Finale 14.03.2015». NRK TV. 2015-03-14. Henta 2015-03-15.
- ↑ Vegard Enlid (2015-03-13). ««En tyrkershot av en låt»». Adressa. Henta 2015-03-17.
- ↑ Stein Østbø (2016-02-24). «MGP-Mørland synger for sin avdøde mor». Verdens Gang. Henta 2016-02-26.
- ↑ Innlegg på Facebook 12. februar 2016. «Hey guys, two weeks from today my very first single drops.»
- 1 2 Von Angelika Meier (2016-02-26). «Jetzt singt sie für die Schweiz» (på tysk). Blick.ch. Henta 2016-02-26.
- ↑ «DEBRAH SCARLETT - Cynical Youth (Official Video)». YouTube. 2017-03-02. Henta 2018-01-05.
- ↑ Hung, Steffen. «Discography Mørland & Debrah Scarlett». Norwegian Charts Portal. Hung Medien (Steffen Hung).
- ↑ Hung, Steffen. «DiscographIe Mørland & Debrah Scarlett». Austrian Charts Portal. Hung Medien (Steffen Hung).
- ↑ Hung, Steffen. «Mørland & Debrah Scarlett». German Charts Portal. Hung Medien (Steffen Hung).
- ↑ Hung, Steffen. «Discographie Mørland & Debrah Scarlett». Swiss Charts Portal. Hung Medien (Steffen Hung).
- Denne artikkelen bygger på «Debrah Scarlett» frå Wikipedia på bokmål, den 13. mars 2023.
