Democratic Unionist Party
| Democratic Unionist Party | |||
| Land | Storbritannia | ||
|---|---|---|---|
| Partileiar(ar) | Maurice Morrow | ||
| Grunnleggjarar | Ian Paisley | ||
| Grunnlagt | 30. september 1971 | ||
| Forgjengar | Protestant Unionist Party | ||
| Hovudkvarter | Belfast | ||
| Ideologi | britisk unionisme, britisk nasjonalisme, nasjonalkonservatisme, sosialkonservatisme, høgrepopulisme, euroskeptisisme  | ||
| Politisk posisjon | høgresida, sentrum-høgre | ||
Democratic Unionist Party (DUP) er det største unionistiske[1] partiet i Nord-Irland. Det har ingen katolske medlemmer. Det er leidd sidan starten i 1970 av Ian Paisley. Partiet har ei høgre-ekstremistisk historie, og støtta mellom anna Ian Smiths ope rasistiske regime i Rhodesia (no Zimbabwe).
Partiet trekte seg frå forhandlingane som leidde opp til fredsavtalen for Nord-Irland da det republikanske partiet Sinn Féin fekk vere med etter at IRA gjekk til våpenkvile. DUP gjekk mot avtalen i folkerøystinga om han, men han vart godkjend med god margin likevel. Sidan har DUP nekta å sitje i interimstyret for provinsen så lenge Sinn Féin sat der.
DUP har band til grupper nært knytte til unionistiske paramilitære, som har gjennomført drap og terroraksjonar i Nord-Irland. Ein kjend medlem av DUP i North Antrim er ein mann tidlegare dømd for mordet på ein bystyremedlem frå Sinn Féin.
Fotnotar
[endre | endre wikiteksten]- ↑ Unionisme i den nordirske samanhengen er tilhengarar av framleis union med Storbritannia i Det sameinte kongedømmet. Dei blir òg kalla loyalistar fordi dei er loyale mot den britiske monarken. Dei fleste unionistar i Nord-Irland er av historiske grunnar protestantar (presbyterianarar, kalvinistar) religiøst sett, og er etterkommarar etter kolonistar som kom til Irland på 1600-talet og 1700-talet. Dei har dominert Nord-Irland sidan delinga av Irland i 1921.