Democratici di Sinistra

Frå Wikipedia – det frie oppslagsverket
Democratici di Sinistra
LandItalia
Partileiar(ar)Massimo D’Alema
Grunnlagt13. februar 1998
Nedlagt14. oktober 2007
Etterfølgd avPartito Democratico
HovudkvarterRoma
Medlemstal615 414 (2007)
Ideologidemokratisk sosialisme, Sosialdemokrati Sjå dette på Wikidata
Politisk posisjonsentrum-venstre

Democratici di Sinistra, DS, (på norsk Venstredemokratane) var eit politisk parti i Italia, det største av sentrum-venstre-partia, ein del av valalliansen l'Ulivo (Oliventreet). Den 14. oktober 2007 blei partiet ein del av det nye sentrum-venstre-partiet Partito Democratico.

DS blei danna i 1991 med namnet Partito Democratico della Sinistra PDS av eit fleirtal i Det italienske kommunistpartiet PCI (1921-1991). Første leiaren var Achille Ochetto.

DS hadde tre fløyer eller hovudtendensar, og leiaren høyrde til sentrumsfløya i partiet. Venstrefløya utgjorde om lag 20 % av partimedlemmene, viste avrøystingar i partiet. Både høgrefløya og venstrefløya hadde organiserte tendensar (fraksjonar), noko som var fullt tillate i partiet. Sentrumstendensen var sosialdemokratisk, mens høgrefløya var liberal og venstrefløya venstresosialistisk. Den siste har no danna partiet Sinistra Democratica (SD).

Fleire grupper frå det tidlegare italienske sosialistpartiet PSI gjekk også med i DS, sjølv om dei fleste medlemene kom frå det tidlegare kommunistpartiet. Andre frå det tidlegare kommunistpartiet utgjer kjernen i det nye reformkommunistiske partiet Rifondazione Comunista. DS hadde 12 medlemmer av EU-parlamentet, der dei høyrde til den sosialdemokratiske PES-gruppa. DS var medlemsparti i den Sosialistiske Internasjonalen av moderate sosialdemokratiske parti. Den internasjonale tilknytinga til det nye Partito Democratico er ikkje ultimo 2007 avklåra enno.

Kjelder[endre | endre wikiteksten]