Nordiske krossflagg

Dei nordiske flagga. Frå venstre mot høgre: Finland, Island, Noreg, Sverige og Danmark

Nordisk krossflagg, nordisk kross eller skandinavisk kross er eit flaggmønster knytt til flagga i dei skandinaviske landa, der dette mønsteret oppstod. Krossen symboliserer kristendommen, og det ligg sidelengs, med krossendane heilt ut til endane av flagget. Nordiske krossflagg skil seg frå andre flagg med kross ved at den vertikale stripa i krossen er skoven ut mot flaggstonga.

Rekonstruksjon av «riksbanneret» frå Kalmarunionstida.

Det første flagget med denne utforminga var det danske Dannebrog i raudt og kvitt, som elles er det eldste nasjonalflagget i verda. Deretter følgde Sverige med gult og blått flagg. Under Kalmarunionen fanst eit riksbanner som er blitt skildra som ein raud kross på eit gult felt. Seinare fekk Noreg, Finland, Island og enkelte undernasjonale einingar i nordiske land, eller område med norrøn påverknad, krossflagg. Det norske flagget var det første nordiske krossflagget med tre fargar. Sjølv om mange flagg bruker det same mønsteret, har dei ulik historie og ulik symbolikk.

Nasjonalflagg i dei nordiske landa

• 
  Det danske flagget
• 
  Det finske flagget
• 
  Det islandske flagget
• 
  Det norske flagget
• 
  Det svenske flagget

Sjølvstyrte område med nordisk krossflagg

• 
  Det færøyske flagget
• 
  Det ålandske flagget

Nordisk krossflagg på dei britiske øyane

Mange område på dei britiske øyane vart koloniserte av nordmenn og danskar i vikingtida. Mange har vist tilknytinga til Skandinavia ved å velje seg flagg tufta på tradisjonen med nordiske krossflagg.

• 
  Det shetlandske flagget
• 
  Orknøy-flagget, offisielt frå 2007

Andre flagg

• 
  Dansk sørgjeflagg frå 1700-talet.
• 
  Det greske kongeflagget frå 1860-åra (Kong Georg av Hellas var òg prins av Danmark)
• 
  Flagget til den tyske Kriegsmarine frå 1935 til 1945. Nazi-Tyskland dyrka til tider det nordiske.

Det engelske flagget er ein raud kross på kvit botn, men den vertikale stripa står midt på flagget, ikkje til eine sida slik dei nordiske krossflagga gjer.

Kjelder

Fotnotar

• Delar av denne artikkelen bygger på «Nordisk korsflagg» frå Wikipedia på bokmål, den 13. november 2010.
• Delar av denne artikkelen bygger på «Nordic Cross flag» frå Wikipedia på engelsk, den 13. november 2010.