Diamonds Are a Girl's Best Friend
| «Diamonds Are a Girl's Best Friend» | |
| Musikk av | Jule Styne |
|---|---|
| Tekst av | Leo Robin |
| Publisert | 1949 |
| Opphavleg artist | Carol Channing |
«Diamonds Are a Girl's Best Friend» er ein jazzsong introdusert av Carol Channing i det originale Broadway-produksjonen av Gentlemen Prefer Blondes (1949), med musikk av Jule Styne og tekst av Leo Robin.
Marilyn Monroe-versjonen[endre | endre wikiteksten]
Songen er kanskje mest kjend i ei utgåve framført av Marilyn Monroe i 1953 i filmen Gentlemen Prefer Blondes. Det meste av songen skal ha blitt sunge av Monroe sjølv, og ho skal berre ha fått hjelp til den lyse introduksjonen av songen, som er sungen av Gloria Wood.[1][2][3] Monroe si utgåve av songen vert rekna som ei ikonisk framføring og vart rangert som den 12. beste filmsongen på 1900-talet av American Film Institute.[4]
Framføringa til Monroe har sidan blitt etterlikna av artistar som Madonna, Kylie Minogue, Geri Halliwell og Anna Nicole Smith. Musikkvideoen til Madonna-songen «Material Girl» er særskild liknande med same bakgrunn og kostyme som i filmen. Songen vart sampla av Megan Thee Stallion og Normani i 2020 for «Diamonds», med ein musikkvideo som etterlikna filmframføringa til Monroe.[5][6]
Songen er òg nytta i filen Moulin Rouge! i 2001, der han i hovudsak vert sungen av Nicole Kidman i rolla som Satine.
Andre versjonar[endre | endre wikiteksten]
- Ethel Merman spelte inn songen i 1950.
- Jo Stafford spelte inn songen i 1950.
- Lena Horne spelte inn songen i 1958, for albumet hennar Give the Lady What She Wants.
- Della Reese spelte inn songen i 1960, for albumet hennar Cha Cha Cha.
- Julie London spelte inn songen i 1961.
- Eartha Kitt spelte inn songen i 1962.
- Carol Channing spelte inn songen igjen i 1974 for musikalen Lorelei, ei ny utgåve av Gentlemen Prefer Blondes.
- Bertice Reading spelte inn songen i 1979.
- Emmylou Harris spelte inn ein country/rock-versjon i 1983, for albumet hennar White Shoes.
- Herb Albert-singelen «Diamonds» frå 1986, med Janet Jackson på solovokal, opnar med refrenget til «Diamond's are a girl's best friend».
- Tina Martin & The Wild Side spelte inn ein musikkvideo og gav ut ein 12"-vinylutgåve av songen kalla «Diamonds» i 1990.
- Jennifer Saunders og Dawn French, kledd som Marilyn Monroe og Jane Russell, parodierte songen i 1993 på BBC-programmet Gentlemen Prefer French & Saunders.
- Kylie Minogue framførte songen i 1995, og igjen i 1999 kledd som Marilyn Monroe for opninga av 20th Century Fox sitt Australian Studios. I 2007 spelte ho inn songen for filmen hennar White Diamond.
- Anna Nicole Smith spelte inn songen i 1998. Singelen nådde topp 100 på dance-lista i Frankrike.
- I 2007 framførte Beyoncé ein oppdatert versjon for den nye parfymen til Giorgio Armani, Emporio Armani.
- Wendi Peters framførte ein versjon for BBC-programmet Children in Need 16. november 2007.
- Nicole Scherzinger framførte songen i 2007 på CBS-prorammet Movies Rock.
- T-Bone Burnett spelte inn ein rocka versjon av songen.
- Christina Aguilera framførte songen i filmen Burlesque (2010).
- The Puppini Sisters song ein versjon i 2011 på albumet deira Hollywood
- Songen vart framført i TV-showet Glee i 2013 i episoden «Girls (and Boys) On Film», blanda med Madonna sin «Material Girl».
- Anne Ducros song songen på albumet hennar Either way : from Marilyn to Ella (Naïve, 2013)
- Shirley Bassey og Paloma Faith song songen i lag for Bassey-albumet Hello Like Before (2014)
Kjelder[endre | endre wikiteksten]
- Denne artikkelen bygger på «Diamonds Are a Girl's Best Friend» frå Wikipedia på engelsk, den 18. november 2020.
- Wikipedia på engelsk oppgav desse kjeldene:
- ↑ «GENTLEMEN PREFER BLONDES (1953)». American Film Institute. Henta 18. november 2020.
- ↑ «GENTLEMEN PREFER BLONDES». Turner Classic Movies. Henta 18. november 2020.
- ↑ Todd McCarthy (2000). Howard Hawks: The Grey Fox of Hollywood. Grove Press. s. 505. ISBN 978-0-8021-3740-1.
- ↑ «AFI's 100 YEARS...100 SONGS». American Film Institute. Arkivert frå originalen 27. oktober 2007. Henta 19. februar 2008.
- ↑ «A Banger! Megan Thee Stallion & Normani Team Up On «Diamonds»». idolator. 10. januar 2020. Henta 18. november 2020.
- ↑ Gonzales, Erica (10. januar 2020). «Normani and Megan Thee Stallion Kick Ass in Their New «Diamonds» Music Video». Harper's BAZAAR (på engelsk). Henta 18. november 2020.