Dianne Holum

Frå Wikipedia – det frie oppslagsverket
Dianne Holum


Statsborgarskap USA
Fødd 19. mai 1951 (72 år)
Chicago
Idrett lengdeløp på skeiser
Tok del i

Hurtigløp på skøyter under Vinter-OL 1968 – 1000 meter damer, Hurtigløp på skøyter under Vinter-OL 1972 – 1500 meter damer, Hurtigløp på skøyter under Vinter-OL 1972 – 3000 meter damer

Dianne Mary Holum (fødd 19. mai 1951) er ein USA-amerikansk tidlegare skeiseløpar og -trenar frå Chicago, som vart olympisk meister på 1500 meter i 1972.

Holum slo gjennom i 1967-sesongen, då ho som 15-åring vann 500-meteren under Skeise-VM 1967 i Deventer og vart nummer tre i meisterskapen. Året etter tok ho sølvmedaljen på 500 m og bronsen på 1000 m under Vinter-OL 1968 i Grenoble. Vinteren 1971 kom ho på tredjeplass ved Sprint-VM 1971 i Inzell. Under vinterleikane 1972 i Sapporo sikra Holum seg gullmedaljen på 1500 m og sølvmedaljen på 3000 meter. Sidan i OL-sesongen kneip ho andreplassen ved Sprint-VM 1972 i Eskilstuna og tredjeplassen i Skeise-VM i Heerenveen, for så å leggje opp.

Holum var seinare skeisetrenar for mellom andre Eric Heiden.

Kjelder[endre | endre wikiteksten]