Diskusjon:Noregsmeisterskapen i sjakk

Frå Wikipedia – det frie oppslagsverket
Hopp til navigering Hopp til søk

Dette er interesange artiklar som er godt skreve, men eg føler det kanskje vert for tynt og for mykje om kvarandre særleg noregsmeister og noregsmeisterskapen. føreslår difor å flette med artikkelen sjakk så vi kanskje kan få den merka som god artikkel?Anders 11:11, 21 juni 2007 (CEST)

Eg tykkjer ikkje at denne skal flettast med sjakk, men stoffet frå Noregsmeister i sjakk gjerne innarbeidast i denne artikkelen, med mindre det er planar om å utvide begge artiklane mykje? --Jorunn 13:25, 21 juni 2007 (CEST)
Samd med Jorunn. Det er ikkje heldig å gjere artiklane for lange, heller. - Knut
Det høyrest ut som ei god løysing, men ein liten del om sjakkturneringar som nemner NM høyrer absolutt heime i artikkelen om sjakk. --Ranveig 14:11, 21 juni 2007 (CEST)
Eg er for fletting. Om sjakk-artikkelen etter kvart vert for lang er det jo berre å skrive samendrag av underkategoriane for å linke til eigen artikkel. Men det er nok ikkje aktuellt med ein så kort artikkel. Lars 15:06, 21 juni 2007 (CEST)
Einig med Lars her. --Frokor 16:26, 21 juni 2007 (CEST)
Men om Noregsmeisterskapen skal flettast med sjakk, må vel òg andre artiklar som verdsmeisterskapen i sjakk flettast i same, og då ber det etter mitt syn galt av stad. For ungdom som nyttar wikipedia kan det vere uhøveleg med alt for mykje informasjon i ein artikkel (eg er ung i denne samanhangen): - Knut 18:14, 21 juni 2007 (CEST)
Kanskje ein kan flette saman sidene om sjakkonkurransar og ymse meistrar i ein artikkel som Konkurransar i sjakk/Meisterskap i sjakk/Sjakkturneringar eller noko slikt? No er det ganske uoversiktleg. I det minste bør det opprettast ein "Sjå òg"-bolk med lenkjer til dei andre sjakksidene i sjakkartikkelen. --Frokor 18:29, 21 juni 2007 (CEST)

Eg håper å kunne skrive vidare på det som eg no har starta på, tema: Sjakk, der målsettinga ikkje er stort meir enn at det skal vere interessant, rimeleg kort og poengtert, og med tilstrekkelege opplysningar for skuleelevar og andre som kunne vere interesserte i emnet. Så her kjem lenkjer og anna etter kvart som eg lærer. Ja, og så er målsettinga at nynorsk: sjakk skal vere betre enn bokmål: sjakk. Men rating vil eg ha som hankjønnsord. Uttale med A, ikkje på engelsk, er heilt vanleg blant sjakkspelarar, f eks med setningar som "Kva er ratingen din no?". OK? Eg rettar ikkje tilbake før eg får aksept på dette. Eg likar betre tittelen "Stormeister i sjakk" enn "Sjakkstormeister". Kan dette endrast? Helsingar, Egil Arne, nybegynnar

Velkommen! Begge framlegga dine er gode, i mine auge. --Ekko 07:27, 26 juni 2007 (CEST)

Start ein diskusjon om Noregsmeisterskapen i sjakk

Start ein diskusjon