Diskusjon:Norsk Allkunnebok

Informasjon om redaktørar, skribentar osb.

Informasjon frå bind 1

• Norsk Allkunnebok - Fonna Forlag - Oslo 1948 (1.band) (A-Bennet)
• Motto: "Kunnskap skal styra rike og land"
• Råd: Professor Sigvald Hasund, Rektor Severin Eskeland, Direktør Elias Berdal, Avd.ing., major G.A. Frøholm
• Redaksjon: Redaktør: Arnulv Sudmann, redaksjonssekretærar: Agnes Børnes, Ragna Sæfland, biletredaktør: Jostein Øvrelid
• Forord undertegna av: Arnulv Sudmann (red.) og Hans Aarnes (for forlaget)
• Sats og prent: Dreyer, Stavanger
• Klisjéar: A.s Kemigrafia, Oslo og Dreyer
• Papir: Hamangs satinerte illustrasjonspapir

• 235 medarbeidarar ved utgjeving av 1. verk. Nokre av desse skreiv bokmål som vart omsett til nynorsk av redaksjonen.
• "Dei aller fleste artiklane i Norsk Alkunnebok vert signerte. Deter fyrste gongen eit norsk leksikon brukar denne skipnaden, men det er ein skipnad som vinn meir og meir fram i oppslagsverk ute i verda. på den måten kan dei som brukar leksikonet, sjå kven det er som har skrivi artiklane, og forfattaren står ansvarleg for opplysningane. Der vi ikkje har noko merke under artiklane, er det anten redaksjonen som har skrivi dei, eller signaturen kan vera stroken under små notisar, av di han kjem på ei line for seg sjølv og såleis tek for stor plass etter måten." Nynorsk Alkunnebok. Bind 1. i føreordet.

2. band 1950 (Bennett. W. S.-Clodius), 3.band 1952 (cloissonné-epigonane), 4. band 1953 (epigrafikk-Fyresdal), 5. band 1954 (Fyresdalen-Heimearb.), 6.band 1955 (Heimebr.-Jondal), 7.band 1957 (Jondalen-Lausitz), 8.band 1958 (lauskar-Norheimsund), 9. band 1959 (Norig-skuld), 10. band 1965 (Skuld-Åvik), Atlas 1962.

Kor mange band var verket planlagd å ha frå starten?

Veit nokon kor mange band det var meininga verket skulle ha frå starten? Dei fyrste band er tunne i forhald til dei siste; A-Norh. i dei åtte fyrste banda og Norh.-Å i dei to siste. (I ei tolvbindsutgåve av SNL frå 1980-talet går bind seks til Kik, då er ikkje Norh. så veldig langt forbi midten.) --Jorunn