Diskusjon:Pronomen

Varaord?

Har du noko dokumentasjon på dette? Trondtr 1. juni 2006 kl. 06:55 (UTC).

I Norsk Formlæra av Lars Eskeland (Nettversjon står det: "Vara-ordi (Pronomeni)" --Gunnernett 1. juni 2006 kl. 11:41 (UTC)

Ja, faktisk gjer det det. "Tidlegare" er likevel ikkje så bra, det er ikkje slik at "pronomen" er eit nytt uttrykk for noko som før vart kalla "vara-ord". Det er heller slik at vi har prøvd å fornorske ein latinsk namnetradisjon, og det har vi klart langt dårlegare enn danskane, som kallar det "stedord" (slå opp på. Pronomen så ser du. Eskeland sitt framlegg har ikkje slått gjennom, kanskje i og med at forlekken "vara" i seg sjølv ikkje er spesielt norsk (pro-ord hadde vore like bra). Vi bør absolutt ha med dokumentasjon om terminologi (finst det andre?), eg lagar eit framlegg. Trondtr 2. juni 2006 kl. 16:46 (UTC).

Genitiv av personlege pronomen

Er «min», «din» og «vår» å rekna som genitiv av personlege pronomen? Ordboka kallar desse for eigedomspronomen. --Harald Khan Ճ 3. mai 2010 kl. 20:15 (CEST)

Syntaktisk oppfører dei seg som determinativar, dvs. dei modifiserer substantiv. Dei skil seg frå pronomen, som erstattar substantiv. Dessutan blir dei bøygd i genus, som determinativar blir det. Referansegrammatikken kallar dei for possessive determinativar, jf. Determinativ. Trondtr 4. mai 2010 kl. 00:48 (CEST).

Men no fjerna du heile hurven; ordboka kalllar «hennar», «deira», «dykkar» osb. for genitivsformer. Eg tok òg opp dette på Diskusjon:Genitiv. --Harald Khan Ճ 4. mai 2010 kl. 09:27 (CEST)

Sorry, eg såg ikkje den diskusjonen, så der var eg litt snar. Eg skal sjå på det, og svare der. Trondtr 4. mai 2010 kl. 09:47 (CEST).

Resiproke pronomen

I artikkelen stend det at "kvarandre" er ubøyelegt, men er ikkje dette ordet eigenlegt fleirtal av kvarannan? Ordboki på http://www.dokpro.uio.no/perl/ordboksoek/ordbok.cgi?OPP=kvarandre&nynorsk=S%F8k+i+Nynorskordboka&ordbok=nynorsk&s=n&alfabet=n&renset=j ser ut som ho meiner dette, i alle fall.