Dole Food Company

Frå Wikipedia – det frie oppslagsverket
Hopp til navigering Hopp til søk
Dole Food Company, Inc.
Dolejf2103.JPG
SelskapsformPrivat
Skipa1851
BransjeLandbruksindustri, næringsmiddelindustri
ProduktFrukt
Grønsaker
Matprodukt
LandUSA (globalt)
HovudkontorWestlake Village i California
Tilsette34 500[1]
Omsetnad7,2 miliardar US-dollar[2] (2011)
Resultat38,4 millionar[2]
Nettstadwww.dole.com
Hovudkontoret til Dole i California.

Dole Food Company, ofte kjend som Dole, er eit USA-basert fleirnasjonalt selskap som driv med landbruksprodukt som frukt, grønsaker og produkt av desse, som jus og hermetikk. Det har hovudkontor i Westlake Village i California. Dole hadde i 2011 34 500 tilsette og verka i 90 land.[3] Selskapet har lenge vore den største produsenten av frukt og grønsaker i verda, men ei samanslåing av Chiquita og Fyffes annonsert i mars 2014 vil gjera resultatet ChiquitaFyffes til den største bananprodusenten.[4]

Historie[endre | endre wikiteksten]

Ananasar med Dole-merket.

Selskapet kan førast tilbake til Castle & Cooke, grunnlagd i 1851 på Hawaii, og Hawaiian Pineapple Company, grunnlagd i 1901 av James Dole. Castle & Cooke dreiv med shipping, jernbanekonstruksjon, sjømatpakking, sukkerproduksjon og andre næringsmiddel. Hawaiian Pineapple Company dreiv hovudsakleg med ananas. Det blei delvis kjøpt av Castle & Cooke i 1932 og heilt kjøpt opp på 1960-talet, saman med Standard Fruit Company. I 1975 kjøpte det tyske Philipp Astheimer & Sohn og kom inn på den europeiske marknaden.[5] Selskapet fekk sitt noverande namn i 1991. Castle & Cooke Inc blei skilt ut som eit eigedomsselskap i 1995. Dole kjøpte opp det amerikanske frosenmatselskapet JR Woods i 2004, svenske Saba AB i 2005, bærprodusenten Sunny Ridge i 2011 og Mrs. May’s Naturals i 2012.[5]

Ein ingeniør for Dole fann i 1911 opp ein maskin som kunne skrella, ta ut midten og skiva opp ananasar. I 1933 byrja selskapet merka hermetikken sin med merkevarenamnet Dole. Den noverande logoen for Dole, med namnet i raude bokstavar og ei sol inni o-en, blei utforma i 1983.[5]

Dole-plantasje på Oahu på Hawaii.

Verksemd[endre | endre wikiteksten]

Dole driv plantasjar i Sør- og Sentral-Amerika og i Stillehavs-Asia, på Filippinane. Det har pakkefabrikkar i Hua Hin og Chumphon i Thailand,[6] distribusjonssenter i Shanghai og Qingdao i Kina og fleire fabrikkar i Europa.[7]

Etiske spørsmål[endre | endre wikiteksten]

Dole Food Company er eit av dei store fruktelskapa som er blitt kritisert for å utnytta arbeidarar i utviklingsland.[8] Det er likevel blitt nemnd som eit av «verdas mest etiske selskap» av Ethisphere Magazine.[5]

I 2009 blei det skulda for å ha brukt eit sprøytemiddel, DBCP, som hadde ført til sterilitet hjå arbeidarar, på ein plantasje i Nicaragua på 1970-talet. Selskapet gjekk gjennom fleire rettssaker, men blei ikkje dømt. Den svenske dokumentarfilmen Bananas!* skildra kampen mot selskapet, og blei hardt motarbeidd av Dole Food Company.[9]

Kjelder[endre | endre wikiteksten]

  1. «Dole Food Company Inc.: Private Company Information - Businessweek». Investing.businessweek.com. Henta 5. oktober 2012. 
  2. 2,0 2,1 Hoover's: Dole Food Company, Inc. Factsheet (Retrieved April 2, 2012)
  3. «Dole Food Company, Inc. Company Profile - Yahoo! Finance». Biz.yahoo.com. 25. september 2012. Henta 5. oktober 2012. ; «| Company Profile from Hoover’s». Hoovers.com. Henta 5. oktober 2012. 
  4. Chiquita and Fyffes join to make world's biggest banana firm. Reuters.com. Retrieved 14 March 2014.
  5. 5,0 5,1 5,2 5,3 Timeline, Dole.com
  6. «Locations of Dole Food Company in Thailand». Dole Food Company. 2012. Henta 9 September 2012. 
  7. Dole Worldwide, dole.com
  8. Anup Shah (3. januar 2010). «The Banana Trade War». Global Issues. ; «Dole bananas not ethical - Oxfam». 3 News NZ. May 28, 2013. 
  9. «Så ville Dole styra SVT». Dagens Media. 12 juni 2009. 

Bakgrunnsstoff[endre | endre wikiteksten]