Dominic Miller

Frå Wikipedia – det frie oppslagsverket
Gå til: navigering, søk
Dominic Miller
Dominic Miller and Sting at PoriJazz 2006.jpg
Dominic Miller og Sting ved Pori Jazz 2006
Fødd 21. mars 1960 (54 år)
Sjanger Jazz, klassisk, pop
Aktive år 1980 til i dag
Yrke Gitarist, låtskrivar, arrangør, plateprodusent
Tilknytte artistar Sting
Plateselskap Universal Music Group
Nettstad www.dominicmiller.com

Dominic Miller (fødd 21. mars 1960) er ein argentinsk-engelsk gitarist som har arbeidd med World Party og King Swamp, Phil Collins...But Seriously og spelt gitar på kvart Sting-album og turné sidan 1990.[1] Han har skriven fleire songar i lag med Sting som «Shape of My Heart», som vart ein hit for både Craig David og Sugababes.

Han vart fødd i Buenos Aires og budde dei første ti åra sine i Argentina og flytta så med familien til Nord-Amerika og slo seg ned i Wisconsin, før han flytta til London. Han studerte musikk ved Guildhall School of Music i London og Berklee College of Music i Boston. Han tok òg timar hos den brasilianske gitaristen og komponisten Sebastião Tapajós.

Etter å ha turnert med World Party i 1980-åra vart han medlem av King Swamp og turnerte med dei. Han arbeidde på eit soloalbum av Phil Collins, ...But Seriously. Han spelte gitar på innspelingane til Sting og frå 1990 har han delteke på alle albuma og turneane til Sting.[1] Miller har òg arbeidd som plateprodusent og produserte og spelte på soloalbumet til Walter Wray, Foxgloves and Steel Strings i 1993.

Miller har òg gjeve ut album og turnert som soloartist. Det første albumet hans, First Touch, kom ut i 1995,[2] etterfølgd av Second Nature (1999) og New Dawn (2002). Han følgde opp med Third World (2004) og Fourth Wall (2006).

I 2003 gav han ut det klassiske albumet Shapes der han tolka stykke av Bach, Beethoven, Elgar og Albinoni. Albumet nådde 38. plass på den brtiske albumlista i 2003.[3]

Dominic Miller burd i dag i Frankrike.

Discography[endre | endre wikiteksten]

  • 1995: First Touch
  • 1999: Second Nature
  • 2002: New Dawn (med Neil Stacey)
  • 2003: Shapes
  • 2004: Third World
  • 2006: Fourth Wall
  • 2009: In A Dream (med Peter Kater)
  • 2010: November
  • 2012: 5th House

Musikarar som han har arbeidd med[endre | endre wikiteksten]

Kjelder[endre | endre wikiteksten]

  1. 1,0 1,1 Gable, Christopher (2008). The soul cages. ss. 55. 
  2. Grey, Hilarie (May 1998). Currents. ss. 89–90. 
  3. Roberts, David (2006). British Hit Singles & Albums (19th ed.). London: Guinness World Records Limited. s. 366. ISBN 1-904994-10-5. 

Bakgrunnsstoff[endre | endre wikiteksten]