Doncaster
| Doncaster | |||
| by | |||
 Doncaster frå Frenchgate Centre. | |||
| Kallenamn: Donny | |||
| Land |  England | ||
|---|---|---|---|
| Region | South Yorkshire | ||
| Distrikt | Doncaster | ||
| Areal | 43,5 km² | ||
| Folketal | 109 805 (2011)[1] | ||
| Postnummer | DN1-DN12 | ||
| Retningsnummer | 01302 | ||
 Doncaster 53°31′22″N 1°07′57″W / 53.522777777778°N 1.1325°W | |||
| Wikimedia Commons: Doncaster | |||
Doncaster er ein by i South Yorkshire i England. Innbyggjarane kallar han gjerne berre Donny.
Historie
[endre | endre wikiteksten]Den første kjende busetnaden på staden var eit romersk fort bygd i 1. hundreåret ved ein vadestad ved elva Don. Fortet fekk namnet Danum, og den noverande staden er samansett av forvanskingar av Danum og castrum (latin, «fort»). I angelsaksisk tid var Doncaster truleg bustad for kongane av Northumbria.
Etter at Vilhelm Erobraren hadde teke makta i 1066 vart byen, som hadde forfalle kraftig, gjenoppbygd av normannarane. Dei bygde òg ei festning ved Conisbrough.
Omkring 1500-talet byrja byen å tene godt på hesteoppdrett, og dette førte vidare til at ein byrja å skipa til hesteveddeløp. Dei første veddeløpa i byen skal ha vore arrangert tidleg på 1600-talet, men det som gav Doncaster ry var løpa St. Leger Stakes, som først vart skipa i 1770-åra.
Etter den industrielle revolusjonen kom jarnbanen til Doncaster. Great Northern Railway sitt lokomotiv- og vognbyggeri vart lagt dit, og på denne verkstaden vart både Mallard og Flying Scotsman bygd. Byen ligg i dag ved den austlege hovudlinja mellom London og Skottland.
Under første og andre verdskrigen vart jernbaneindustrien omstilt til ammunisjonsproduksjon. Etter 1945 vart Doncaster ein av dei viktigaste kolgruvebyene i England, og gruvene vart langt den største arbeidsplassen i området. Mange av jobbane gjekk tapt ved nedtrappinga av gruveindustrien i 1980-åra, og det er i dag nesten inga utvinning av kol rundt Doncaster.
Idrett
[endre | endre wikiteksten]Sidan det som gjennom etterkrigstida har vore hovudnæring forsvann har byen freista å etablere seg som eit sentrum for handel og fritidsaktivitetar. Hesteveddeløpa er enno særs populære, og trekkjer mange vitjande.
Doncaster har ein av dei mest framgangsrike kvinnefotballklubbane i England, Doncaster Belles LFC, og dessutan herrefotballklubben Doncaster Rovers FC.
Kjelder
[endre | endre wikiteksten]- Denne artikkelen bygger på «Doncaster» frå Wikipedia på bokmål, den 12. juli 2011.
