Dor

Frå Wikipedia – det frie oppslagsverket
Gå til: navigering, søk
Dor

Dor er eit verktøy som vert brukt til å driva inn spikrar i treverk når ein ikkje vil risikera å skada treverket rundt.

Dorar er laga av metall med eit hovud som skal vera mindre enn den spikaren ein har tenkt å driva inn. «Kroppen» er gjerne litt tjukkare, men likevel tynn og ofte dekt med gummi for å ha eit godt grep når ein nyttar han. Bakenden er eit flatt og udekt treffområde for ein hamar. Når hamaren treffer doren vert krafta overførd igjennom doren til spikaren slik at denne går vidare inn i materialet. Sidan dorhovudet er mindre enn spikaren er det lite sannsyn for at materialet rundt skal verta skadd.