Doreen Chanter

Doreen Chanter
Statsborgarskap	Storbritannia
Fødd	20. hundreåret
Yrke	songar
Språk	engelsk
Medlem av	Chanter Sisters, Chanter Sisters

Doreen Chanter er ein britisk songar som er best kjend som medlem av Chanter Sisters og for arbeidet som korvokalist og studiomusikar i 1970- og 1980-åra.

Chanter Sisters

Chanter byrja karrieren som medlem av ei gruppe kalla the Chanters i 1967 med systera Irene Chanter og fem brør. Dei gav ut fire singlar som selde dårleg. I 1968 vart the Chanter-systrene ein duo som først kalla seg Birds of a Feather.

Duoen gav ut fire singlar mellom 1968 og 1972, men ingen av dei selde godt. Det første albumet deira, Birds of a Feather, kom ut i 1970 med Elton John på piano. Chanter-systrene hadde sunge som korvokalistar for John på ei innspeling for Radio 1.

Long John Baldry bad systrene med seg i konsertbandet sitt i 1973. Dei var òg med på konsertalbumet June 1, 1974, med Nico, Brian Eno, Kevin Ayers og John Cale, og song med Chris Farlowe på BBC Radio 1 Live in Concert. Begge systrene er med på John Cale-albumet Fear i 1972 og same året Ron Wood-albumet I've Got My Own Album to Do. I tillegg song dei for Manfred Mann's Earth Band på Solar Fire (1973), Nightingales and Bombers (1975), The Roaring Silence (1976) og Watch (1978), John Entwistle på Mad Dog (1975), Chris Rea på Whatever Happened to Benny Santini? (1978) og Justin Hayward på Night Flight (1980).

I 1976 gav Polydor ut det andre albumet deira, First Flight, men det selde dårleg. Dei song live med John Miles på eit konsertalbum. Systrene gav ut to album i 1978 på Safari Records, men dei selde igjen dårleg.

I 1971 var begge systrene med som skulejenter i Hammer-filmen Twins of Evil.

Solosongar

PÅ det første soloalbumet til Phil Manzanera, Diamond Head (1975), song John Wetton og Doreen duett på songen «Same Time Next Week». Ho svart så med Jacqui Sullivan og danna The Sirens, korvokalistar for turneen til Roxy Music i 1975-76. I 1976 song ho for Bryan Ferry på albumet Let's Stick Together, og året etter på In Your Mind.

I 1981 song Chanter i koret på The Secret Policeman's Ball, i lag med mellom andre Phil Collins, Donovan, Sheena Easton, Bob Geldof, Midge Ure og Tom Robinson. Han skreiv òg to singlar for Kiki Dee, gjeve ut i 1981, og ein song sungen for Dee for den britiske fjernsynsserien Roll Over Beethoven i 1985. Ho dukka opp i filmen Pink Floyd The Wall i 1982 som vokalist i eit kor. I 1983 var både Doreen og Irene korsongarar på The Undertones-songen «The Love Parade» på albumet The Sin of Pride.

Chanter var ein del av turnébandet til både Roger Waters og Van Morrison i 1984. Ho song på Waters-albumet The Pros and Cons of Hitchhiking, som kom ut det året, i lag med Katie Kissoon. Duoen song igjen for Waters på Radio K.A.O.S-turneen i 1987. Chanter song òg på Waters-utgjevinga Radio K.A.O.S. i 1987 og så på fem songar på Amused to Death i 1992.

Ho turnerte med Meat Loaf-bandet Neverland Express i 1984-85, og var med på Bad Attitude - Live! (1985), og med Joe Cocker i 1989. Chanter syng på konsertalbumet til Cocker Joe Cocker Live, som kom ut i 1990.

I 1990-åra song Doreen på fleire album med Chris Farlowe.

Ho er med i ein episode av Only Fools and Horses.

Kjelder

• Denne artikkelen bygger på «Doreen Chanter» frå Wikipedia på engelsk, den 13. november 2015.
  • Wikipedia på engelsk oppgav desse kjeldene:

Bakgrunnsstoff

• Doreen Chanter på Allmusic Guide
• Chanter Sisters på Allmusic Guide