Drammensbrua

Frå Wikipedia – det frie oppslagsverket
Gå til: navigering, søk
Drammensbrua
DrammenBridgeNorth.JPG
Offisielt namn Drammensbrua
Transporterer Biltrafikk
Kryssar Drammenselva og øya Holmen
Veg E18 – 4 felt
Stad Drammen
Lengste spenn 60 m
Total lengd 1 892 m
Seglingshøgd 12 m
Opna 1975

Drammensbrua er ei vegbru i betong som går over Drammenselva i Drammen i Buskerud. Brua opna i 1975, og er den lengste brua i Noreg (2006) med 1892 meter.

Opprusting og utviding av Drammensbrua[endre | endre wikiteksten]

Utskiftinga av dei firkanta pillarane på den opphavlege Drammensbrua (til venstre) med sylindriske, og samanbygginga av den gamle brua med den nye til høgre
Drammensbrua (vegbrua) og jarnbanebruene, kalla Holmenbruene.

I 2006 blei den gamle brua rusta opp. E18 over Drammensbrua fekk fire felt etter at ei ny bru var bygd inntil den gamle oppstraums mot byen. Både den nye og den gamel brua blei kledd med aluminiumsplater på undersida, som skal reflektere lyset frå elva under. Dei firkanta pilarane som held den gamle brua oppe, vart bytta ut med nye, sylindriske, slik at dei to bruene fekk same utsjånad.

Jernbanebrua over Drammenselva[endre | endre wikiteksten]

Vegbrua og jarnbanebrua

Vegbrua kryssar jarnbanen Drammensbanen, som likeeins går på bru over Drammenselva, og kryssar E 18 under vegbrua. Drammenselva deler seg i her to løp, Brakerøyløpet og Strømsøløpet, med øya Holmen mellom, og det går hamne- og industrispor inn på Holmen. Den gamle, einspora jarnbanebrua i stål frå 1930 vart i 1996 avløyst av ei dobbeltspora stålbru, men slik at den gamle einspora brua framleis tek trafikken inn mot Drammen stasjon over Strømsøløpet, medan det vart bygd ny, einspora bru over Strømsøløpet for trafikken ut frå Drammen stasjon i retninga mot Oslo. Over Brakerøyløpet vart det bygd ny dobbeltspora bru, og her vart den gamle stålbrua rive.

Den nye einspora brua frå 1996 over Strømsøløpet for trafikken ut frå Drammen stasjon i retninga mot Oslo er 453,0 meter lang, og gamlebrua over Strømsøløpet frå 1930 for trafikken i retninga frå Oslo er 451,1 meter lang. Den dobbeltspora brua over Brakerøyløpet frå 1996 er 341,0 meter lang.

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Drammensbrua