Hopp til innhald

EHF-meisterligaen i handball 2025/Kvinner

Frå Wikipedia – det frie oppslagsverket

Meisterligaen i handball 2025 for kvinner var ei turnering arrangert av Europas handballforbund (EHF) som tok til 9. september 2024. Turneringa med 16 deltakande lag opna med seriespel i to grupper à 8 lag. Dei to beste laga i dei to gruppene gjekk rett til kvartfinalane, laga på plassane 3-6 møttest til cupspel om plass i kvartfinalane. Laga som vann kvartfinalane møttest til sluttspel i Budapest 31. mai og 1. juni.

Tittelforsvarar Győri ETO vann turneringa gjennom finalesiger 29–27 over danske Odense Håndbold. Det var sjuande gongen det ungarske laget vann meisterligaen. I semifinalen vann Győri ETO over danske Team Esbjerg med 29–28. Tidlegare slo Győri ETO ut tyske HB Ludwigsburg i kvartfinalane med siffera 54 mot 46.

Sluttspelet

[endre | endre wikiteksten]
  • Semifinalane:
  • Győri ETO – Team Esbjerg 29 – 28
  • Odense HB – Metz HB 31 – 29, etter ekstraomgangar
  • Bronsefinalen:
  • Team Esbjerg – Metz HB 30 – 27

Győri ETO opna forrykande og gjekk opp i 7–2 då kampen var sju minutt gammal. Sidan førte det ungarske laget kampen med 4-5 mål i overvekt. Ved pause stod det 20–15 på måltavla. I den andre omgangen kontrollerte Győri ETO kampen, inntil sluttminutta. Då knappa Odense inn på leiinga, men kom aldri nærare enn to mål under: 29–27.

Lagkaptein til Györ, norske Kari Brattset Dale, skåra 6 mål og vart tildelt bestemannsprisen i turneringa. 6 fulltreffarar kom også frå Estelle Nze Minko og Dione Housheer. Vidare fann Bruna de Paula vegen til nettmauskane 4 gongar, Viktória Győri-Lukács 2, Csenge Fodor 2, Kristina Jørgensen 2 og Bo van Wetering 1 gong(ar). Emilie Hovden og Kelly Dulfer kom ikkje på skåringslista. Sandra Toft og Hatadou Sako var målvakter. Veronica Kristiansen deltok i semifinalen.

Med 5 skåringar vart Mie Højlund toppskårar for Odense. Fem norske utøvarar spelte på laget; lagkaptein Maren Aardahl, Thale Deila, Malin Aune, Helene Fauske og Katrine Lunde.

Henta frå «https://nn.wikipedia.org/w/index.php?title=EHF-meisterligaen_i_handball_2025/Kvinner&oldid=3627150»