EasyGo

Frå Wikipedia – det frie oppslagsverket
Hopp til navigering Hopp til søk
Bomstasjon på Svinesund (AutoPASS i blå filer)

EasyGo er eit fellesføretak (joint venture) mellom Noreg, Sverige, Danmark og Austerrike som gjer det mogeleg å bruke ei og same elektroniske bombrikke i alle land når ein passerer i bompengeanlegg, på ferjer og bruer.[1] Føremålet med EasyGo er at same bombrikke skal kunna nyttast til betaling ved køyring gjennom kva som helst betalingsanlegg gjennom Nord-Europa og Austerrike.[2]

EasyGo er basert på DSRC 5,8 GHz mikrobølgeteknikk og det er store skilnader på operatørane. Anlegga har ulik utformning og det finst ingen felles EasyGo skiltning, men det finst enkelte fellestrekk.[3]

Bomstasjon på Storebæltbrua (BroBizz i grøne filer)
Bomstasjon på Øresundbrua (BroBizz i grøne filer)

Historie[endre | endre wikiteksten]

EasyGo var den første kommersielle grenseoverskridande innkrevjingstenesta av bompengar i Europa. Innleiande diskusjonar byrja i 2004, då Svinesundsbrua mellom Noreg og Sverige var ved å byggjast. Transportstyresmaktene i Noreg og Sverige, norske Statens vegvesen og svenske Transportstyrelsen, gjekk saman med Sund & Bælt (operatør av Storebæltbrua) og Øresundsbro Konsortiet (dansk/svensk joint venture, operatør av Øresundbrua) og oppretta EasyGo i 2007.

Austerrikske ASFINAG slutta seg til partnarskapet i 2009.[4]

Alle eksisterande nordiske system tekne i bruk før 2007 (AutoPASS og BroBizz) inngår, og ein treng ikkje endra lovgjevinga i landa. EasyGo landa har fire forskjellige valutaer og variable momsnivå.

EasyGo Basic[endre | endre wikiteksten]

EasyGo Basic er for køyretøy som berre ferdast innanfor Skandinavia og har ei maksimalt tillaten totalvekt på 3,5 tonn.[5]

EasyGo+[endre | endre wikiteksten]

EasyGo+ er ein internasjonal bompengeavtale som lèt førarar av køyretøy over 3,5 tonn betala veiavgift i Austerrike, Danmark, Sverige og Noreg ved hjelp av ei og same bombrikke i alle dei fire landa.[6]

Tenesteleverandørar[endre | endre wikiteksten]

Tenesteleverandør EasyGo Basic EasyGo+
AutoPASS Ja Nei
BroBizz A/S Ja Ja
Scandlines Ja Nei
Øresundsbro Konsortiet Ja Nei

Sjå òg[endre | endre wikiteksten]

Kjelder[endre | endre wikiteksten]

  1. Enonic. «EasyGo - AutoPASS». www.autopass.no (norsk). Henta 28. januar 2018. 
  2. «Om EasyGo | EasyGo». easygo.com (bokmål). Henta 28. januar 2018. 
  3. https://www.vegvesen.no/_attachment/283048/binary/499922
  4. Thomsen, Lene Gebauer (1. mars 2017). «EasyGo: 10 år med grænseoverskridende betalingsløsninger». BroBizz® (dansk). Henta 28. januar 2018. 
  5. «EasyGo Basic | EasyGo». easygo.com (bokmål). Henta 28. januar 2018. 
  6. «EasyGo+ | EasyGo». easygo.com (bokmål). Henta 28. januar 2018. 

Bakgrunnsstoff[endre | endre wikiteksten]