Edinburgh People's Festival
Edinburgh People's Festival er ein kultur- og arbeidarrørslefestival halden i Edinburgh i Skottland. Han er meint som ei feiring av lokalt talent og kulturunderhaldningar i heile byen, ikkje minst i utkantområde, til prisar alle har råd til.
Historie
[endre | endre wikiteksten]Festivalen blei skipa i 1951 som eit alternativ til Edinburgh International Festival.[1] Han blei halden fram til 1954, med bidrag frå Hamish Henderson, Ewan MacColl, Joan Littlewood, Norman Buchan og Joe Corrie. Tradisjonsmusikk-delen av festivalen blei vidareført som Edinburgh Folk Festival frå 1964, gjenoppliva som Ceilidh Culture frå 2003.
People's Festival blei gjenoppretta i 2002 av politikaren Colin Fox, som seinare blei skotsk parlamentsmedlem. Dette var ein reaksjon mot høge billettprisar i Edinburgh Festival Fringe og andre Edinburgh-festivalar, og mangelen på arrangement utanfor sentrum.[2] Festivalen blei organisert av Scottish Socialist Party, fagforeiningar og lokale utøvarar.[3]
Sidan 2002 har People's Festival hatt framsyningar i Saughton Prison,[4] Edinburgh Royal Infirmary, Det skotske parlamentet, The Stand Comedy Club, Woodburn Miners Welfare, BMC Club i Gorgie, Artspace i Craigmillar, North Edinburgh Arts Centre og i samfunnshus i alle delar av byen.
I 2009 omfatta programmet ein Hamish Henderson Memorial lecture, lanseringa av boka What Robert Burns means to me i høve 250-årsjubileet til diktaren, ein spasertur rundt 'Radical Edinburgh', konserten Songs of the People og ein tur rundt Rebus sitt Edinburgh støtta av Ian Rankin.[5]
Kjelder
[endre | endre wikiteksten]- ↑ «‘Now playwrights could be got from the ranks of the working class’: Joe Corrie and the 1951 Edinburgh People’s Festival – Joe Corrie», arts.st-andrews.ac.uk, henta 16. mai 2023
- ↑ «Cheap thrills at festivals». BBC News. 10. august 2003. Henta 12. januar 2016.
- ↑ «'People's Festival' line-up revealed». BBC News. 29. juli 2003. Henta 12. januar 2016.
- ↑ «Curtain up on Edinburgh People's Festival». The Scotsman. 10. juli 2008. Henta 13. januar 2016.
- ↑ «Rankin gets write idea to please fans at festival for all». Edinburgh Evening News. 4. august 2007. Henta 13. januar 2016.
- Denne artikkelen bygger på «Edinburgh People's Festival» frå Wikipedia på engelsk, den 16. mai 2023.