Edvin Endresen

Edvin Endresen
Fødd	11. oktober 1892 Vestre Moland kommune
Død	21. juli 1968 (75 år)
Statsborgar av	Noreg
Parti	Arbeidarpartiet
Yrke	politikar
Alle verv	stortingsrepresentant (1928–1930) vararepresentant til Stortinget (1931–1933) vararepresentant til Stortinget (1934–1936) vararepresentant til Stortinget (1937–1945)

Edvin Sevrin Endresen (11. oktober 1892–21. juli 1968) var ein norsk fabrikkarbeidar og stortingsmann. Han representerte Arbeidarpartiet i Stortinget 1928-30, 1935-39, heile tida vald frå kjøpstadene i Hedmark og Oppland.

Endresen var frå Vestre Moland, son til ein fabrikkarbeidar. Frå 1908 til 1915 arbeidde han på Kalvild Træsliperi og Kartonfabrik ved Lillesand, deretter var han tilsett i Hunsfoss Fabrikker ved Kristiansand og så på aluminiumsfabrikken ved Eydehavn. Allereie som 16-åring vart han vald formann i fagforeininga på Kalvild. Dei komande åra var han av dei fremste i arbeidar-ungdomsrørsla på Sørlandet.

I 1919 flytta Endresen til Lillehammer for å arbeide på Mesna Træsliperi og Kartonfabrik. Her vart han ut si arbeidstid, etter kvart som skiftformann.

Endresen var i tretti år medlem i Lillehammer bystyre. Mange år hadde han sete i formannskapet, ein treårsbolk var han varaordførar. Valperioden 1928-30 hadde han fast plass i Stortinget, vald frå ein valkrins beståande av Lillehammer, Gjøvik, Hamar og Kongsvinger. Seinare møtte han i Stortinget frå varamannsplass. Då Fredrik Monsen i 1935 vart statsråd i Nygaardsvold-regjeringa, rykka Endresen inn i stortinget. Der vart han sitjande til 1939. Etter tur var Endresen medlem i Sosialkomiteen, Kommunalkomiteen og Militærkomiteen.

Under andre verdskrigen var Endresen kontaktmann for Heimefronten og den illegale fagrørsla, Frå januar 1945 låg han i dekning.

Kjelder

• Denne artikkelen bygger på «Edvin Endresen» frå Wikipedia på bokmål, den 19. november 2025.