Egil Lillestøl

Egil Lillestøl
Fødd	19. mars 1938
Nasjonalitet	Noreg
Yrke	professor
Institusjonar	Norges Tekniske Vitenskapsakademi
Medlem	Norges Tekniske Vitenskapsakademi

Egil Sigurd Lillestøl (fødd 19. mars 1938) er ein norsk fysikar.

Lillestøl vart professor på Institutt for fysikk og teknologi ved Universitetet i Bergen i 1984. Han har arbeidd mykje med å popularisere fysikkforsking, særleg for ungdom. Han oppheld seg ved CERN i Sveits kvart vårsemester der han er ansvarleg for den europeiske og for den latinamerikanske skule i partikkelfysikk. Lillestøl har i seinare år vore opptatt av globale energispørsmål og ei mogeleg løysing på dei globale energiproblema i form av ein akseleratordriven kjernereaktor basert på thorium. Lillestøl har tatt til orde for å etablere bruk av atomkraft for å løyse den internasjonale energikrisa, og særleg har han gått inn for at Noreg skal bygge ein prototype på ein thoriumreaktor. Han har òg hatt forskingsopphald ved College de France i Paris og DESY i Tyskland.

Han har drive mykje med populariseringsarbeid i form av radio- og fjernsynsprogram, avisartiklar og foredrag. Han var med å skreiv den populærvitskapelege boka The Search for Infinity (1994, norsk omsetjing, Ferden mot det uendelige, 1995).

Utmerkingar

I 2007 vart han tildelt Norges forskningsråds formidlingspris for «formidling av grunnleggande fysikk til skuleelevar og publikum».

Kjelder

• Denne artikkelen bygger på «Egil Lillestøl» frå Wikipedia på engelsk, den 15. august 2012.
  • Wikipedia på engelsk oppgav desse kjeldene:

Bakgrunnsstoff

• Publikasjonar av Egil Lillestøl i forskingsdokumentasjonssystemet Cristin

• Publikasjonar av Egil Lillestøl i BIBSYS
• Slåss for norsk kjernekraft
• Gjesteforelesingar, Egil Lillestøl