Eid kyrkje i Romsdal

Eid kyrkje
kyrkje
Kyrkjesamfunn	Den norske kyrkja
Bispedøme	Møre
Prosti	Indre Romsdal
Stad	Eidsbygda
Material	tre
Innvigd	1697 eller 1797
- Endringar	påbygd i 1872 og 1874
Tårn	Klokketårnet er av treverk
Skip	Eitskips hallkyrkje
Kyrkjegard	ligg ved kyrkja
Preikestol	Preikestolen er frå 1668
Døypefont	Døypefonten har årstalet 1519 og skal vere frå Lesja
Altartavle	Altertavla er frå 1660 og er restaurert i 1916 av Ragnvald Einbu
Eid kyrkje i Romsdal 62°35′23″ N 7°29′50″ E
Wikimedia Commons: Eid kirke, Rauma

Det er fleire kyrkjer i Noreg med namnet Eid kyrkje.

Eid kyrkje er ei langkyrkje i Eidsbygda i Rauma kommune i Møre og Romsdal fylke.

Kyrkja vart bygd i 1697 eller 1797, og er av treverk, og har 200 plassar. Ho er påbygd to gangar, i 1872 og 1874. I 1862 vart Eid eige prestegjeld og kyrkja vart frå då av hovudkyrkje.

Interiøret

Altartavla er frå 1660, i alle fall står dette årstalet på tavla. Ho vart restaurert av Ragnvald Einbu i 1916.

Døypefonten er gammal og kjem frå Lesja. Den har årstalet 1519.

Gamlekyrkja hadde et antemensale frå omkring år 1275 med 12 motiv frå Jesu liv. Dette kom til Bergen Museum i 1840-åra. Det er eit av dei mest verdifulle kunstverka i landet frå mellomalderen. Eit antependium frå 1677 som stod i gamlekyrkja, er no på Norsk Folkemuseum i Oslo. Det er i svært dårleg tilstand.

Kjelde

• Thaule, John Ove; Ubostad, Ingar; Pedersen, Bjørn. 1990. Kyrkjene våre i Ei bok om Rauma, Rauma Kommune. s 207-210

Bakgrunnsstoff

• Eid kyrkje i Romsdal i kulturminnesok.no, nettstaden til Riksantikvaren
• «Eid kyrkje». Kyrkjesøk. Henta 26. mai 2015.