Eigil Liane

Eigil Liane
	Eigil Liane
Fødd	7. mai 1916; Tinn
Død	17. juni 1994 (78 år)
Statsborgar av	Noreg
Parti	Arbeidarpartiet
Yrke	politikar, jarnbanearbeidar
Alle verv	stortingsrepresentant (1954–1958); stortingsrepresentant (1958–1961); stortingsrepresentant (1961–1965); stortingsrepresentant (1965–1969); stortingsrepresentant (1969–1973) ;

Eigil Olaf Liane (7. mai 1916–17. juni 1994) var ein norsk jarnbanemann og politikar frå Tinn i Telemark som representerte Arbeidarpartiet på Stortinget frå 1954 til 1973.^[1]

Liane, som var son til ein jarnbanearbeidar, var frå 1934 til 1940 anleggsarbeidar på Sørlandsbanen. Etter å ha vore linjearbeidar og banevaktaraspirant fekk han i 1943 stilling som banevaktar. I 1947 tok han eksamen ved Jarnbaneskulen og var tilsett som baneformann i 1960.^[1]

Politikk

Liane var aktiv i Arbeidernes Ungdomsfylking og seinare i Arbeidarpartiet. Han var ordførar i Sannidal kommune frå 1945 til 1955. Hausten 1953 vart han vald inn på Stortinget frå Telemark og og tok sete på tinget ved nyår 1954. Etter å ha vore attvald fire gongar, gjekk han ut av Stortinget i 1973. Han var 1954-65 medlem av Administrasjonskomiteen, nestformann i den siste fireårsperioden, og av Samferdslekomiteen 1965-73. Elles var han med i Fullmaktskomiteen 1961-69 og Valkomiteen 1969-73.^[1]

Anna

Eigil Liane var ein personleg kristen, og var aktiv i Norges Kristne Arbeideres Forbund. I periodane 1972-75 og 1976-79 var han leiar i forbundet.

Kjelder

1 2 3 «Liane, Eigil Olaf (1916-1994)», Stortinget.

Stortingsbiografi

[Stortinget-1] 1 2 3 «Liane, Eigil Olaf (1916-1994)», Stortinget.

[1]