Einar Borch
| Einar Borch | |||
 | |||
| Fødd | 14. september 1870 Stavanger kommune | ||
|---|---|---|---|
| Død | 3. januar 1952 (81 år) | ||
| Statsborgar av | Noreg | ||
| Parti | Høgre (ukjend; 1920), Senterpartiet (1920; ukjend) | ||
| Yrke | politikar, godseigar, godseigar | ||
| Alle verv |
| ||
Einar Gram Borch (14. september 1870–1952) var ein norsk godseigar og politikar, fødd i Stavanger og busett på Jevnaker. I mellomkrigstida representerte han Bondepartiet på Stortinget i tre valperiodar.
Far hans var overlærar i Stavanger. Sjølv tok Einar Borch examen artium ved Kongsgård skole i Stavanger i 1887 og examen philosophicum i 1888. Deretter var han elev ved Jønsberg landbruksskule i Oppland. I 1890-åra tok Borch over styringa med slektsgarden Mo i Jevnaker, ein storgard med tilhøyrande skogeigedomar.
Han var ordførar i Jevnaker herad 1902-07, og seinare medlem i sentralstyret til partiet Høgre. Kort tid etter danninga av Bondepartiet i 1920 melde Borch overgang frå Høgre, og sat i hovudstyret 1925–27 og 1938–47. Han var stortingsrepresentant frå Oppland og for Bondepartiet 1922-27 og 1937-45. Åra 1922-27 var han medlem i Jarnbanekomitéen, frå 1937 i Finans- og tollkomitéen. Valbolken 1925-27 var han visepresident i Stortinget.
Borch var 1925-27 med i hovudstyret til Bondepartiet, og på ny frå 1938 til 1947. Då statsministeren i Bondeparti-regjeringa, Peder Kolstad, døydde våren 1932, ynskte sterke krefter i partileiinga at den konservative Borch skulle ta over. Men den parlamentariske leiaren i Bondepartiet, Jens Hundseid, utmanøvrerte resten av partileiinga og tok sjølv over som leiar av regjeringa.
I åra 1922-34 var Borch preses i Selskabet for Norges Vel.
Kjelder[endre | endre wikiteksten]
- Biografisk informasjon om Einar Borch NSD Norsk senter for forskningsdatas politikararkiv