Einar Friis Skogstad

Frå Wikipedia – det frie oppslagsverket
Hopp til navigering Hopp til søk
Einar Friis Skogstad
Fødd 29. september 1873
Død

13. juli 1956

Yrke bankier

Einar Friis Skogstad (29. september 187313. juli 1956) var ein norsk pengemann og bankier. Han var son av organisten i Mandal, Andreas Skogstad (1844-87), og Petra Caroline Friis.

Det var Skogstadættas musikalske åre som førte Skogstads far frå fødebygda Målselv i Troms til Mandal; nokre av slekta har og gripe til pennen, men for Einar Skogstad vart det pengane.

Etter mange læreår i utanlandske bankar vart han 1906-22 banksjef i Kredittkassen i Oslo. Etter det var han bankier, særleg som formidlar av offentlege lån. Han var medlem i representantskapet for Store Norske Spitsbergen Kullkompani frå 1917, og blei utnemnd til riddar av den franske æreslegionen. Interessa for musikk og litteratur følgde han heile livet.

Friis døydde i Oslo. Han var gammalonkel til næringslivsleiaren Unni Friis Skogstad (*1955).