Einar Hareide

Einar Hareide
	Einar Hareide
Fødd	24. oktober 1899; Ålesund kommune
Død	7. april 1983 (83 år)
Statsborgar av	Noreg
Parti	Kristeleg Folkeparti
Yrke	politikar, gründer
Alle verv	stortingsrepresentant (1945–1950); stortingsrepresentant (1950–1954); stortingsrepresentant (1954–1958); stortingsrepresentant (1958–1961); stortingsrepresentant (1961–1965); partileiar (Kristeleg Folkeparti, 1955–1967) ;

Einar Hareide (fødd 24. oktober 1899 i Ålesund, død 7. april 1983) var ein norsk fiskebåtreiar, organisasjonsmann, stortingsrepresentant og partiformann.

Han voks opp og budde på Hareid. Etter fullført handelsgymnasium overtok han i 1920 havfiske- og handelsselskapet Johan E. Hareide A/S, som faren hadde bygd opp. Som fiskebåtreiar hadde han ansvaret for fleire selskap. Han la ned mykje arbeid i fiskeriorganisasjonane. Mellom anna var han første disponenten for Storsildlaget som vart skipa i 1927. Han var og med i Stor- og Vårsildlaget, organisasjonen for drivgarnsflåten, og som hadde tyngdepunktet sør om Stadt. Då desse to organisasjonane vart samanslegne til Sildesalgslaget, i 1940, vart Einar Hareide ordstyrar på årsmøta, det såkalla Sildetinget, til 1970. Frå 1928 var han styreformann i Sildefiskernes Fabrikklag. Han var og med i fleire andre fiskeriorganisasjonar.

Einar Hareide hadde administrative verv. Han sat i styre, og som formann i fleire næringsverksemder, dei fleste på Sunnmøre. Han hadde og verv innan kristelege organisasjonar, særleg i Norges Kristelige Ungdomsforbund og Det Norske Misjonsselskap.

På Stortinget representerte han Møre og Romsdal KrF i fem periodar frå 1945 til 1965. Han sat i Sjøfarts-og Fiskerikomiteen i alle 20 åra. Han var og visepresident i Lagtinget.

Einar Hareide var formann i Kristeleg folkeparti 1955–67.

Han vart kommandør av St. Olavs Orden i 1965

Kjelder[endre | endre wikiteksten]

Harald Kjølås: Partiformannen frå Hareid i 100 år 100 navn Personer som har preget hundreåret på nordvestlandet Sunnmørsposten Forlag 2000
«Einar Hareide». Stortinget.no.