Einar Rosenqvist

Frå Wikipedia – det frie oppslagsverket
Einar Rosenqvist

Statsborgarskap Noreg
Fødd 7. februar 1817
Død

17. april 1885 (68 år)

Yrke politikar
Språk norsk
Politisk parti Venstre

Einar Terkel Christian Tamberskjelver Rosenqvist (7. februar 181717. april 1885) var ein norsk militær og politikar frå Kristiansand. Han var stortingsmann i 1851 og 1872-73.

Rosenqvist var son til ein prest. I yngre år budde han 2 år hos morsslekta i Danzig. Han gjekk så sjøkadettinstituttet i Fredriksvern og var sekondløytnant i marinen frå 1836. 1837-38 reiste han i koffardifart. I 1842 tok han høgskuleeksamen, utnemnd til premierløytnant i 1849. Gjennom åra 1852 og -53 reiste han langs norskekysten og undersøkte losstellet, på oppdrag frå Marinedepartementet. Frå 1857 til 1871 var han overlos for det sønnafjeldske og styrar av sjømannsskulen i Kristiansand. Etter fleire opprykk var han kommandør frå 1870, sjef for sjøkadettkorpset på Karljohansvern 1871-76 og for det sjømilitære korps til 1883.

Rosenqvist var medlem i Loskommisjonen av 1860. Han var i mange år bystyremedlem i så vel Kristiansand som Horten, i Horten også ordførar. Til Stortinget 1851 møtte han som 2. representant frå Kristiansand, sekretær i Militærkomite nr 2. Perioden 1871-73 var han 1. varamann til Tinget, møtte 1872 og -73-sesjonane i staden for Nils Vogt, medlem av Gasje- og pensjonskomiteen.

Kjelder[endre | endre wikiteksten]