Eirik Jensen

Frå Wikipedia – det frie oppslagsverket
Eirik Jensen
Statsborgarskap Noreg
Fødd 30. juli 1957 (66 år)
Yrke narkotikasmugler, politibetjent
Straff ubetinget fengsel

Eirik Jensen (fødd 30. juli 1957) er ein norsk tidlegare polititenestemann, dømt til fengsel for grovt narkotikalovbrot og grov korrupsjon.[1] Frå 2006 til 2011 var han leiar for Oslopolitiet sitt prosjekt X-ray, ein spesialinnsats mot gjengkriminalitet i hovudstaden som var utløyst av eit skytedrama på Aker Brygge i august 2006.[2] Desse Oslo-gjengane vart knuste i tida etter.[3]

Han vart i 2014 arrestert og suspendert frå politiet, og seinare åtala for grov korrupsjon og narkotikasmugling i ei sak som vart kjent som Cappelen–Jensen-saka; Jensen vart 18. september 2017 dømd i Oslo tingrett til 21 års ubetinga fengsel for grov korrupsjon, medverknad til narkotikasmugling og ulovleg våpenbesittelse. Jensen hadde før dette, jobba med bekjemping av organisert kriminalitet i politiet, der han var pådrivar for «dialogmodellen» som dreier seg om å skapa tillit og kommunikasjon opp mot kriminelle miljø. Jensen arbeidde aktivt opp mot både gjeng- og mc-miljøet. Han har òg utgjeve ein sjølvbiografi og ein kriminalroman.

Karriere[endre | endre wikiteksten]

Jensen vart utdanna ved Politiskulen til Staten i 1977 og arbeidde først ved Pipervika politistasjon. Han vart etterkvart forfremja til politioverbetjent. Hausten 2006 vart han leiar for innsatsgruppa «X-Ray» i politiet.

Arrestasjon, tiltalt og dom[endre | endre wikiteksten]

Jensen vart arrestert og suspendert frå tenesta i februar 2014 i samband med etterforskinga av narkotikanettverket leida av Gjermund Cappelen, ei sak som vart kjent som Cappelen–Jensen-saka. Jensen vart tiltalt for grov korrupsjon og narkotikakriminalitet i februar 2016.[4] Rettssaka mot han og Gjermund Cappelen starta i Oslo tingrett 9. januar 2017. Jensen erklærte seg «ikkje skyldig».[5] Jensen gjekk av med pensjon frå politiet 1. desember 2016.[6]

Jensen vart 18. september 2017 domfelt i Oslo tingrett for grov korrupsjon, medverknad til narkotikasmugling og ulovleg våpenbesittelse, og dømd til 21 års ubetinga fengsel.

Bokutgivelser[endre | endre wikiteksten]

I 2015 utgav Jensen sjølvbiografien På innsiden: Historien om mitt politiliv på Kagge forlag.

Våren 2016 utgav Jensen saman med Thomas Winje Øijord ein kriminalroman med tittelen Attentatet på Kagge forlag.[7] Spesialeininga varsla at han vilke ta beslag i framtidige bokinntekter.[8]

Referansar[endre | endre wikiteksten]

  1. ↑ HR-2020-2157-U, (sak nr. 20-128274STR-HRET), Høyesterett
  2. ↑ Ege, Rune Thomas; Bongard, Therese (20. august 2006), «Flere hundre i skytedrama på Aker Brygge», VG (på norsk), henta 26. mars 2024 
  3. ↑ Mogen, Trym (30. april 2018), «De knuste Oslo-gjengene sist. Dette mener de politiet må gjøre nå», dagbladet.no (på norsk), henta 26. mars 2024 
  4. ↑ Politimannen Eirik Jensen tiltalt for grov korrupsjon og narkotikakriminalitet
  5. ↑ «Eirik Jensen-rettssaken». VG Nett. Henta 9. januar 2017. 
  6. ↑ Jensen-rettssaka
  7. ↑ Bokanmeldelse: Eirik Jensen og Thomas Winje Øijord: «Attentatet» i VG
  8. ↑ Gir ut sin tredje og fjerde Eirik Jensen-bok, Dagbladet
Henta frå «https://nn.wikipedia.org/w/index.php?title=Eirik_Jensen&oldid=3540588»