Ekstremvêret Geir

Frå Wikipedia – det frie oppslagsverket
Geir kl. 18 den 21. juni 2013.
Foto: Meteorologisk Institutt

Geir var eit varsla ekstremvêr utstedt 21. juni 2013 for Agder, Telemark, Buskerud og Oppland. Varselet gjaldt lokalt ekstremt mykje nedbør i løpet av kvelden og natta.[1] Det vart ikkje meldt om skadar på grunn av regnvêret.[2]

Vêrsituasjonen[endre | endre wikiteksten]

Fuktige og ustabile luftmassar var på veg inn over Sør- og Austlandet. Nedbøren hadde byepreg og det var venta store variasjonar i nedbørsmengd frå stad til stad. Enkelte stader var venta å kunne få 50-90 mm i løpet av 12 timar.[1]

Verknad[endre | endre wikiteksten]

Berre tre vêrstasjonar målte nedbør over 50 mm i løpet av episoden, og det var kanskje dermed ikkje berettiga å gje vêret status som ekstremvêr.[3]. Returperioden var 5-20 år på dei nedbørsmengdene som kom, men det kan ha kome meir nedbør andre stader enn der vêrstasjonane stod, sidan nedbøren kom i form av kraftige byer.[3]

Våtast vart det i Hemsedal som fekk 59,9 mm.

Nedbørmålingar[endre | endre wikiteksten]

Stasjon Kommune Fylke Nedbør (mm) Returperiode (år) Rekord (mm) Dato for rekord
Hemsedal Hemsedal Buskerud 59,9 15 68,1 5. april 2001
Rjukan Tinn Telemark 53,0 5 134 29. juni 1927
Uvdal kraftverk Nore og Uvdal Buskerud 52,7 - - -
Tunhovd Nore og Uvdal Buskerud 51,0 20 86 26. juni 1977
Venabu Ringebu Oppland 50,4 20 52 4. juli 1982
Foldsæ Fyresdal Telemark 49,0 5 83,9 5. september 1968
Atnsjøen Stor-Elvdal Hedmark 48,9 10 65,6 15. august 2003
Skåbu Nord-Fron Oppland 48,4 20 52,3 14. august 1994
Tveitsund Nissedal Telemark 47,8 2 77,5 5. september 1968
Risør brannstasjon Risør Aust-Agder 47,3 1 113,6 23. oktober 2002

Sjå òg[endre | endre wikiteksten]

Kjelder[endre | endre wikiteksten]

  1. 1,0 1,1 «Ekstremværet GEIR glir over». Meteorologisk Institutt. 22. juni 2012. Henta 15. februar 2015. 
  2. «Ekstremveret har gitt seg». NRK. 22. juni 2012. Henta 15. februar 2015. 
  3. 3,0 3,1 «Her regnet «Geir» mest fra seg». yr.no. 24. juni 2012. Henta 15. februar 2015.