Ekstremvêret Hårek
Hårek eller Haarek var eit ekstremvêr som råka området frå Nord-Trøndelag til Lofoten den 10. januar 2005, berre to dagar etter ekstremvêret Gudrun råka landområda litt lenger sør, og dagen før ekstremvêret Inga råka Sør-Noreg. Hårek var den av desse tre som gjorde minst skade. Til saman gjorde desse tre stormane skadar for 160 millionar kroner i områda frå Østfold til Nordland.[1]
Ekstremvarselet vart sendt ut av Meteorologisk Institutt og gjaldt fare for kortvarig sterk storm i kombinasjon med høg vasstand.
Verknader
[endre | endre wikiteksten]På Åmnes i Meløy kommune tok vinden med seg ein garasje som smalt inn i eit bustadhus, medan ein campingvogn vart flytta av vinden i Mevik i Gildeskål. I Mo i Rana sleit Hårek laus ei flytebrygge og mange tre rotvelta langs kysten av Helgeland.[2]
Mellom Stad og Narvik vart det målt vasstand opp til 90 cm høgare enn det som var gjeve i tidvasstabellen.[2]. I Konsvik på Lurøy vart ein nybygd molo rasert av dei høge bølgjene.[3]
Uvêret førte med seg vanskelege trafikkforhold. E6 over Saltfjellet vart stengd og fleire flyavgangar i Lofoten og i Salten vart innstilt. Det same vart fleire ferjestrekningar i området.[2]
Vind
[endre | endre wikiteksten]Kraftigast vind mellom kl. 13 den 10. januar og kl. 07 den 11. januar. Områda frå Stad (ikkje ekstremvêr) til Salten fekk vind over full storm. Kraftigast vind vart målt på Ona, Nordøyan fyr og Kråkenes fyr, som alle målte ein middelvind på 32 m/s (sterk storm) og vindkast på 39-39 m/s (137-140 km/t)
| Stasjon | Middelvind (m/s) |
Vindkast (m/s) |
Tidspunkt |
|---|---|---|---|
| Ona | 32 | 39 | kl. 18-19 10. jan |
| Nordøyan fyr | 32 | 39 | kl. 23-00 10. jan |
| Kråkenes fyr | 32 | 38 | kl. 01-04 11. jan |
| Sklinna fyr | 31 | 38 | kl. 00-01 11. jan |
| Veiholmen | 30 | 37 | kl. 19-22 10. jan |
| Sula | 29 | 38 | kl. 19-22 10. jan |
| Svinøy fyr | 28 | 35 | kl. 13-16 10. jan |
| Bodø | 27 | 33 | kl. 05-06 11. jan |
| Buholmråsa fyr | 26 | 36 | kl. 22-23 10. jan |
| Ørland | 26 | 34 | kl. 19-22 10. jan |
| Røst | 26 | 31 | kl. 04-05 11. jan |
| Myken | 24 | 30 | kl. 00-01 11. jan |
| Namdalseid | 23 | - | 06-07 11. jan |
Kjelder
[endre | endre wikiteksten]- ↑ «Det verste uværet». Meteorologisk Institutt. 21. september 2008. Henta 30. september 2008.
- 1 2 3 «Stormen tok garasje og campingvogn». aftenposten.no. 11. januar 2005. Henta 27. oktober 2008.
- ↑ «Haarek knuste moloen». ranablad.no. 11. januar 2005. Henta 27. oktober 2008.