Elbasan

Elbasan
Utsyn over byen frå ein ås Utsyn over byen frå ein ås
Byvåpenet til Elbasan
Styresmakter
Land Region	Albania Elbasan
Grunnlagd	1400-talet
Borgarmeister	Qazim Sejdini
Geografi
Flatevidd  - By	872 km²
Innbyggjarar  - By (2011)	141.714
Koordinatar	41°06′N 20°04′E
Høgd over havet	150 m
Tidssone - Ved sommartid	UTC +1 (UTC1) UTC+2 (UTC)
Diverse anna
Heimeside: http://www.elbasani.gov.al
Plassering
Elbasan kommune innafor regionen Elbasan Elbasan kommune innafor regionen Elbasan

Elbasan (albansk: Elbasan eller Elbasani) er ein by og ein kommune i Albania, og er administrasjonssenteret til regionen med same namn. Elbasan ligg sentralt i landet ved elva Shkumbin og er ein av dei største byane i Albania med om lag 140 000 innbyggjarar i kommunen (2011). Kommunen, som i nord grensar til regionen Tirana, har eit areal på 872 kvadratkilometer.

Gate i Elbasan

Historie

Det var romarane som grunnla byen og bygde festningar her, men det var først på 1600-talet at byen utvikla seg frå ei festning (El Basan), bygd av den tyrkiske sultanen Mehmed II i 1466.

Fram til Den andre verdskrigen var Elbasan ein av dei finaste ottomanske byane i Albania, med ei blanding av bygningar frå Austen og mellomalderen , smale brusteinsgater og ein stor basar der ein framleis kunne høyre tyrkisk. Innanfor bymurane var det eit eige kristent område, i utkanten av byen eit vlacher-distrikt og fleire fine moskear og islamske bygningar. På denne tida var det om lag 15 000 innbyggjarar i byen.

Administrativ inndeling

Kommunen vart oppretta gjennom ei admininistrasjonsreform i 2014, ved at den tidlegare bykommunen Elbasan vart slått saman med landkommunane Labinot-Fushë, Labinot-Mal, Gjinar, Shushicë, Gjergjan, Funarë, Shirgjan, Tregan, Gracen, Bradashesh, Zavalinë og Papër. Dei tidlegare kommunane inngår no som kommunaleiningar i den nye storkommunen. Kommunen har hovudsete i Elbasan.

Ved folketeljinga i 2011 hadde den dåverande bykommunen Elbasan 78 703 innbyggjarar, medan dei 13 kommunane som i dag utgjer storkommunen Elbasan, til saman hadde 141 714 innbyggjarar.

Tidlegare administrativ inndeling

Fram til år 2000 var den dåverande bykommunen Elbasan hovudstad i distriktet Elbasan. Den dåverande bykommunen omfatta berre sjølve byen Elbasan.

Bakgrunnsstoff

• Elbasan-distriktet, offisiell side på albansk Arkivert 2006-06-30 ved Wayback Machine.
• Bilete
• elbasani.com
• Fotballaget i Elbasan