Elin Anna Labba
| Elin Anna Labba | |
 | |
| Statsborgarskap | Sverige |
| Fødd | 30. november 1980 (43 år) Kiruna kommun |
| Yrke | forfattar, journalist, sjefredaktør |
| Elin Anna Labba på Commons | |
Elin Anna Labba (nordsamisk Joná Gusttu Elin Ánná; fødd 30. november 1980 i Kiruna) er ein samisk forfattar og journalist frå Sverige. Ho har vunne fleire prisar for si fyrste bok Herrene sendte oss hit: om tvangsflyttingen av samene, som beskriv korleis samar blei tvinga til å flytte frå Noreg til Sverige i 1919–1920.
Biografi[endre | endre wikiteksten]
Elin Anna Labba vart fødd den 30. november 1980 i Kiruna, der ho også voks opp.[1] Ho flytte til Göteborg og tok utdanning i journalistikk ved Institutt for journalistikk, medium og kommunikasjon ved Göteborgs Universitet.[2] Under studiane arbeidde Labba som journalist for P4 Norrbotten, SR Sápmi ved Sveriges Radio og tidsskriftet Samefolket.[1] Ho vart uteksaminert frå Göteborgs Universitet i 2008.[2]
Etter uteksamineringa har Labba arbeidd som sjefredaktør i Nuorat og som kommunikasjonssjef i Laponiatjuottjudus.[3] I dag arbeider ho som prosjektleiar ved forfattarsenteret Tjállegoahte i Jokkmokk.
I 2020 debuterte ho som forfattar med boka Herrarna satte oss hit: om tvångsförflyttningarna i Sverige, utgjeven på bokmål i 2021 som Herrene sendte oss hit: om tvangsflyttingen av samene.
Prisar og utmerkingar[endre | endre wikiteksten]
I 2020 vart Labba tildelt Augustprisen for boka si Herrarna satte oss hit: om tvångsförflyttningarna i Sverige. I 2021 vann ho Norrlands litteraturpris for same bok.
Bibliografi[endre | endre wikiteksten]
- Herrarna satte oss hit: om tvångsförflyttningarna i Sverige, Norstedts 2020, ISBN 9789113101682 (svensk)
- Hearrát dat bidje min: bággojohtimiid birra, Norstedts, 2020, ISBN 9789113102436 (omsetjing frå svensk til nordsamisk: Lea Simma)
- Herrene sendte oss hit: om tvangsflyttingen av samene, Pax, 2021, ISBN 9788253042480 (omsetjing frå svensk til bokmål: Trude Marstein)
I antologiar[endre | endre wikiteksten]
- Du blir vad du säger: om hatspråk, yttrandefrihet och vikten av ett demokratiskt samtal, red. Henrik Sjöberg, Ingrid Carlberg, Jesper Bengtsson, Norstedts 2021, ISBN 9789113117881 (svensk)
- Inifrån Sápmi: vittnesmål från stulet land, red. Patricia Fjellgren og Malin Nord, Verbal 2021, ISBN 9789189155497 (svensk)
Kjelder[endre | endre wikiteksten]
- ↑ 1,0 1,1 Elin Anna Labba Arkivert 2021-10-19 ved Wayback Machine.. Biblioteken i Norrbotten. besøkt 7. november 2021
- ↑ 2,0 2,1 Möt JMG:s studenter i journalistik. Institutt for journalistikk, medium og kommunikasjon. besøkt 7. november 2021
- ↑ Dags att öppna porten till världsarvet!. Gällivare kommun. 26. september 2014. besøkt 7. november 2021