Elle Andersdatter

Elle Andersdatter
Statsborgarskap	Kongeriket Danmark
Fødd	1600
Død	1643 (43 år)
Yrke	skribent

Elle Andersdatter (død ca. 1643) var ein dansk salmediktar. Ifølge tradisjonen var ho enkje etter Hans Hanssøn og borgarkone i Maribo på Lolland.

Ho er kjend for salmen «Eja, min sjæl ret inderlig sig fryder», som er blitt omsett til norsk, svensk og engelsk. I Norsk Salmebok finst salmen under tittelen «Eia, mitt hjerte inderlig». I svenske salmebøker finst salmen i to ulike former: «I hoppet sig min frälsta själ förnöjer» og «Eja, mitt hjärta, hur innerlig». På engelsk heiter salmen «In hope my soul redeemed to bliss unending».

I ei dansk salmebok frå 1645 blir salmen kalla «En skjønn åndelig vise om alle troende Guds barns glede i det evige livet». Den første bokstaven i kvart vers av originalen dannar namnet «Elle Andersdatter» og er eit såkalla akrostikon. Dette har fått enkelte til å hevda at salmen heller er skrive til henne enn av henne.

Verket blei funne i boksamlinga til Karen Brahe (1657-1736), som også omfatta ei salmesamling til gravferda til ei «Elline Andersdaatter».

Kjelder

• Denne artikkelen bygger på «Elle Andersdatter» frå Wikipedia på bokmål, den 13. april 2017.
  • Wikipedia på bokmål oppgav desse kjeldene:
    • Anne Kristin Aasmundtveit, Biografisk leksikon til Norsk Salmebok og Norsk Koralbok, Verbum forlag, Oslo, 1995. ISBN 82-543-0573-0 Side 47.