Ellesmere Port
Ellesmere Port | ||
---|---|---|
Ellesmere Port | ||
Plassering | ||
Styresmakter | ||
Land | Storbritannia | |
Konstituerande land | England | |
Grevskap | Cheshire | |
Distrikt | Cheshire West and Chester | |
Geografi | ||
Innbyggjarar - By (2007) |
68 398 | |
Koordinatar | 53°17′N 2°54′W / 53.283°N 2.900°W | |
Diverse annan informasjon | ||
Postnummer | CH65, CH66 | |
Telefon-retningsnummer | 0151 | |
Ellesmere Port er ein stor industriby og lastehamn i distriktet Ellesmere Port and Neston i Cheshire i England. Byen ligg nord for Chester, og har opp under 70 000 innbyggjarar. Byen ligg ikkje langt frå grensa til Wales, og fleire av innbyggjarane i byen er walisarar.
Skildring[endre | endre wikiteksten]
Byen er hovudsakleg industriell, og er dominert av oljeraffineriet til Shell på Stanlow og ein tidlegare ICI kjemisk verkstad. Byen er òg heimstad for ein Vauxhall Motors-fabrikk, der Opel Astra blir for produsert Storbritannia. Det er nokre turistattraksjonar, som båtmuseèt og «Blue Planet Aquarium».
Historie[endre | endre wikiteksten]
Byen Ellesmere Port vart stifta som ein utpost mot havet etter at Ellesmerekanalen vart bygd. Kanalen vart designa av William Jessop og Thomas Telford, for å binde saman elvane Severn, Mersey og Dee. Berre Mersey og Dee vart bundne saman, i 1795, sambandet til Severn vart aldri fullført. Kanalen vart forbunde til Mersey i ein landsby med namnet Netherpool, og området var kjent som Whitby Locks.
Landsbyen Netherpool endra gradvis til «Port of Ellesmere», og frå 1800-talet til Ellesmere Port. Det hadde vore busetjing i området sidan Domesday Book vart skriven. Mange av landsby- og stadnamna i området stammar frå gammalnorrønt, i likskap med store delar av Wirral-halvøya, som har vore busett av vikingar.
Etter opninga av Manchesterkanalen i 1894 og oljeraffineriet på Stanlow på 1920-talet voks byen slik at han fekk Great & Little Sutton, Hooton, Whitby, Overpool og Rivacre som forstader. I 1962 auka behovet for bustader enormt etter at Vauxhall Motors opna fabrikk i Ellesmere Port.
Dei siste 20 åra har fleire fabrikkar stengt, og arbeidsplassar gått tapt, men folkesetnaden har auka og det har kome mange nye butikkar. Likevel er næringslivet i Ellesmere Port fortsett basert på industri.
Venskapsbyar[endre | endre wikiteksten]
Kjende innbyggjarar[endre | endre wikiteksten]
- John Prescott, britisk politikar og minister, gjekk på skule i Ellesmere Port.
- Beverley Hughes, britisk politikar og minister
- Rob Jones, fotballspelar
- Johannah Leedham, basketballspelar
Kjelder[endre | endre wikiteksten]
- Denne artikkelen bygger på «Ellesmere Port» frå Wikipedia på bokmål, den 12. juli 2011.
Bakgrunnsstoff[endre | endre wikiteksten]
- Ellesmere Port Standard (lokalavis)
- Båtmuseet
- Blue Planet Aquarium