Elvar i Litauen

Elva Šventoji nær Vepriai

Elvane i Litauen er typiske lågtlandselvar som renn sakte i vide dalar i eit meandermønster. På grunn av ein god del nedbør er det tett i tett med elvar og i snitt renn det 0,99 km med elv på kvar kvadratkilometer. Elvane er derimot ikkje jamt fordelt. Den høgaste tettleiken finn ein i høglandet i Samogitia der det regnar meir og i nordlege område der jordsmonnet har leire og vatnet ikkje like lett trekk inn i jorda. Den lågaste tettleiken finn ein søraust i Litauen der jordsmonnet har mykje sand og regnet raskt trekk ned i jorda.

Nesten 70 % (om lag 49 600 km²) av Litauen vert drenert via Nemunas og sideelvane hennar. Dei andre fem flodområda er små og ligg nær grensene: Mūša-Nemunėlis (Lielupe; 8 976 km²), Venta (5 140 km²), Daugava (1 857 km²), småelvar som renn direkte ut i Austersjøen (2 523 km²) og Pregolja (54 km²). Om vinteren frys alle elvane til og om våren er det som regel flaum i alle elvane på grunn av smeltevatnet, men det er som regel berre i elvedeltaet til Nemunas at vatnet går over breiddene. I dag vert flaumane kontrollert av demningar.

Under Sovjetunionen (1945-1990) vart mange av elvane øydelagd av drenering. Mange myrområde vart drenert og dei gav ikkje lenger vatn til elvane. Andre småelvar vart retta opp og omgjort til dreneringskanalar.

Litauen har om lag 29 000 elvar og bekkar som er lengre enn 250 meter. Den totale lengda til alle desse elvane er rundt 65 000 km. Talet på elvar og bekkar som er lengre enn 3 km har vorte kalkulert til å vere nøyaktig 4 418. 758 elvar er lengre enn 10 km og 21 elvar er lengre 100 km.

Lengste elvar

#	Namn	Lengd (km)		Munning	Viktigaste byar
		Totalt	I Litauen
1	Nemunas	937	475	Den kuriske lagunen	Hrodna, Druskininkai, Alytus, Kaunas, Sovetsk
2	Neris	510	235	Nemunas	Vilnius, Kernavė, Jonava, Kaunas
3	Venta	346	161	Austersjøen	Venta, Kuldīga, Ventspils
4	Šešupė	298	209	Nemunas	Marijampolė, Kudirkos Naumiestis, Krasnoznamyonsk
5	Šventoji	246	246	Neris	Anykščiai, Kavarskas, Ukmergė
6	Nevėžis	209	209	Nemunas	Panevėžys, Kėdainiai
7	Merkys	203	190	Nemunas	Baltoji Vokė, Merkinė
8	Minija	202	202	Nemunas	Salantai, Gargždai, Priekulė
9	Nemunėlis	199	160	Lielupe
10	Dysna	173	58	Daugava
11	Jūra	172	172	Nemunas	Rietavas, Tauragė
12	Mūša	157	140	Lielupe
13	Lėvuo	145	145	Mūša	Bauska
14	Šušvė	135	135	Nevėžis
15	Dubysa	131	131	Nemunas	Šiauliai, Ariogala
16	Širvinta	129	129	Šventoji	Širvintos
17	Švėtė	118	50	Lielupe	Žagarė
18	Šešuvis	115	115	Jūra
19	Kotra	109	24	Nemunas
20	Mituva	102	102	Nemunas	Jurbarkas
21	Bartuva	101	55	Austersjøen	Skuodas

Virvyčia (99,7 km) er like opp under 100 km lang. Lengda til Žeimena er omdiskutert og kan vere så lang som 114 km.

Kjelder

• Denne artikkelen bygger på «List of rivers of Lithuania» frå Wikipedia på engelsk, den 24. januar 2008.
  • Wikipedia på engelsk oppgav desse kjeldene:
• List of lakes, dams, and rivers of national importance
• Lithuania Central Internet Gates - Waters Arkivert 2006-01-13 ved Wayback Machine.