Emilia Mitiku
| Emilia Mitiku | |||
 | |||
| Fødd | 5. januar 1978 (48 år) | ||
|---|---|---|---|
| Fødestad | Stockholm, Sverige | ||
| Fødenamn | Hanna Emilia Rydberg Mitiku | ||
| Alias | Emilia | ||
| Opphav | Sverige | ||
| Aktiv | 1996– | ||
| Sjanger | pop, soul | ||
| Instrument | piano, vokal | ||
| Plateselskap | Universal Music Group | ||
| Verka som | songar, plateartist, komponist, songtekstforfattar, musikar | ||
Hanna Emilia Rydberg-Mitiku, kjend som Emilia (fødd 5. januar 1978)[1] er ein svensk pop- og soulsongar.[2] Hitsingelen hennar «Big Big World» frå 1998 nådde førsteplassen på hitlistene i fleire land.[3][4]
Liv og karriere
[endre | endre wikiteksten]Rydberg sin far er den etiopiske songaren Teshome Mitiku. Mora hennar, Malena Rydberg, er svensk. Som elev gjekk ho på Adolf Fredriks musikkskola i Stockholm.[5]
Rydberg vart oppdaga i 1996 av Lars Anderson, son til Stig Anderson, som var manager for ABBA. I dei første åra av karrieren brukte ho berre namnet Emilia, men i seinare tid har ho byrja å opptre under namnet Emilia Mitiku, med etternamnet til far sin.
I 2009 deltok Rydberg i Melodifestivalen, den svenske nasjonale uttakinga til Eurovision Song Contest, med songen «You're My World». Ho gjekk direkte vidare frå sin delfinale,[6] men enda på niande plass i finalen.[7] Same året gav ho ut albumet My World. Singelen hennar «Teardrops» vart sendt til radiostasjonar 2. juni 2009.[8][9] Duetten hennar med Ákos Dobrády, «Side By Side» (Szerelemre hangolva), vart spela inn både på ungarsk og engelsk og gjeve ut same året.[10]
Rydberg spelte inn ein coverversjon av Rihanna sin «We Found Love» under ein studiosesjon i Stockholm, som vart lagt ut på YouTube.[11] Den 25. juni 2012 gav ho ut singelen «Lost Inside».[12]
I 2021 vart Rydberg med i den reine kvinnegruppa Super Fëmmes, saman med Therese Grankvist, Denise Lopez, Mia Shotte, Josefine Willers og Emilia sjølv. I april 2022 gav bandet ut debutsingelen sin – ein coverversjon av Rozalla sin hit frå 1991, «Everybody’s Free».[13]
Diskografi
[endre | endre wikiteksten]Album
[endre | endre wikiteksten]- Big Big World (1999)
- Emilia (2000)
- Små ord av kärlek (2007)
- My World (2009)
- I Belong to You (2012)
Kjelder
[endre | endre wikiteksten]- ↑ Emilia Rydberg Charts, Allmusic
- ↑ Emilia Rydberg Arkivert 23. oktober 2014 ved Wayback Machine.
- ↑ One Hit Wonder: Emilia: "Big Big World", Musik-Center BAYERN 3 BR, arkivert frå originalen 4. juni 2011, henta 2011-05-30
- ↑ Billboard, Google Books, 12. desember 1998, henta 2011-05-30
- ↑ Hans Kronbrink (17. juni 2012). «Emilia Mitiku: 'För första gången i livet har jag en plan'». Dagens Nyheter. Dagens Nyheter (Swedish daily newspaper). Arkivert frå originalen den 26. mars 2015. Henta 2014-11-27.
- ↑ «Melodifestivalen 2009 - Deltävling 1: Göteborg». Mellopedia (på svensk). SVT. Henta 2024-03-13.
- ↑ «Melodifestivalen 2009 - Final: Stockholm». Mellopedia (på svensk). SVT. Henta 2024-03-13.
- ↑ Jönköping | Jnytt.se | Nöje | Melodifestivalen | Emilia är tillbaka i hetluften igen Arkivert 21. juli 2011 ved Wayback Machine.. Jnytt.se. Retrieved on 2011-05-30.
- ↑ Melodifestivalen 2009 Arkivert 18. februar 2009 ved Wayback Machine.. svt.se (4. november 2008). Retrieved on 2011-05-30.
- ↑ Dobrády Ákos feat Emilia – Szerelemre hangolva (official, HD) Arkivert 19. desember 2016 ved Wayback Machine.. YouTube (12. november 2009). Retrieved on 2011-05-30.
- ↑ «Emilia Mitiku | We Found Love (Live)». 29. mai 2012. Arkivert frå originalen den 14. april 2016. Henta 2013-02-02 – via YouTube.
- ↑ «Ones to watch: Emilia Mitiku - Music Blog». Digital Spy. 2012-06-07. Arkivert frå originalen den 8. juni 2012. Henta 2013-02-02.
- ↑ «Swedish Girl Band Super Fëmmes Present Edgy New Single: Everybody's Free». Elicit Magazine. 2022-05-05. Henta 2023-05-13.
- Delar av denne artikkelen bygger på «Emilia Mitiku» frå Wikipedia på engelsk, den 31. oktober 2025.