Empidar
| Empidar | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Sporvefuglar Passeriformes |
| Parvorden: | Tyrannida |
| Familie: | Tyrannfamilien Tyrannidae |
| Slekt: | Empidar Empidonax Cabanis, 1855 |
Empidar (Empidonax) er ei biologisk slekt av små sporvefuglar som er medlemmar av tyrannfamilien (Tyrannidae). Slekta omfattar 14 artar, dei fleste hekkar i Nord-Amerika, nokre i Mellom-Amerika. Hekkeområda deira strekkjer seg frå Alaska og Canada i nord til Panama i sør. Mange av artane trekkjer sørover om vinteren, og tre artar flyg til Sør-Amerika under den boreale vinteren, av dei trekker oreempid til Bolivia, det nordlege Argentina og Paraguay.
Etymologi
[endre | endre wikiteksten]Det vitskaplege slektsnamnet Empidonax kjem frå gresk εμπις empis, εμπιδος empidos som tyder «mygg» eller «knott», og αναξ anax, ανακτος anaktos tyder «herre» eller «herskar».[1]
Kjenneteikn
[endre | endre wikiteksten]Fuglane i denne slekta er lite iaugefallande og små tyrannar, mellom 13 og 15 cm lange. Dei er særs einsarta i fjørdrakt og storleik, og blir ofte oversett. Empidar kan kjennast for sine bleike augeringar og markerte vengband, som er kvitaktige eller lysbrune. Oversida er oftast olivengrøn eller brunaktig, medan undersida varierer frå kvitleg og lys grå til gulaktig eller bleik oliven. I løpet av den nordlege våren og sommaren blir fjørdrakta ofte mattere på grunn av slitasje, og nokre artar byter fjør før hausttrekket og får ny, frisk drakt mot slutten av sommaren.
Empidar har ein meir kompakt kropp enn piviar (Contopus), og har kortare utstikkande primærfjør. For å skilje dei ulike empid-artane frå kvarandre må gjerne stø seg på observasjon av lydar, leveområde, åtferd og små skilnader i storleik, nebbform, lengd på vengene og stjerten.[2] Dei fleste artane har òg ein karakteristisk vane med å vippe på stjerten. Svarthetteempid (Empidonax atriceps) har meir kontrastfull fjørdrakt enn andre i slekta og avviker også med det svært avgrensa leveområdet i Costa Rica og inn i vestlegaste Panama.[3]
Artsoversyn
[endre | endre wikiteksten]Slekt Empidonax i rekkjefølgje etter IOC World Bird List V15.1, 2025,[4] med norske namn etter Norske navn på verdens fugler.[5] Verdas naturvernunion, IUCN, har vurdert alle artane som livskraftige:[6]
| Bilete | Norsk namn | Vitskapleg namn | Autor | Utbreiing |
|---|---|---|---|---|
| Gulbukempid | Empidonax flaviventris | (W.M. Baird & S.F. Baird), 1843 | ||
| Austempid | Empidonax virescens | (Vieillot), 1818 | ||
| Vierempid | Empidonax traillii | (Audubon), 1828 | ||
| Oreempid | Empidonax alnorum | Brewster, 1895 | ||
| Kvitstrupeempid | Empidonax albigularis | P.L. Sclater & Salvin, 1859 | ||
| Småempid | Empidonax minimus | (W.M. Baird & S.F. Baird), 1843 | ||
| Granempid | Empidonax hammondii | (Xantus de Vesey), 1858 | ||
| Krattempid | Empidonax oberholseri | A.R. Phillips, 1939 | ||
| Gråempid | Empidonax wrightii | S.F. Baird, 1858 | ||
| Furuempid | Empidonax affinis | (Swainson), 1827 | ||
| Vestempid | Empidonax difficilis | S.F. Baird, 1858 | ||
| Gulempid | Empidonax flavescens | Lawrence, 1865 | ||
| Brunbrystempid | Empidonax fulvifrons | (Giraud Jr), 1841 | ||
| Svarthetteempid | Empidonax atriceps | Salvin, 1870 | ||
Ikkje godtatt art på IOC World Bird List, men rekna som ein underart av vestempid, Empidonax difficilis:
| Bilete | Vitskapleg namn | Autor | Utbreiing |
|---|---|---|---|
| Empidonax occidentalis | Nelson, 1897 | ||
Kjelder
[endre | endre wikiteksten]- Første versjon av denne artikkelen var baset på «Empidonax» frå Wikipedia på spansk, den 25. april 2025
- Referansar
- ↑ Juárez, R. (2024). «Yellowish Flycatcher (Empidonax flavescens), version 2.0». Birds of the World Online. Cornell Lab of Ornithology, Ithaca, NY. doi:10.2173/bow.yelfly1.02.
- ↑ Lowther, P. E. (2020). «Alder Flycatcher (Empidonax alnorum), version 1.0». Birds of the World (A. F. Poole and F. B. Gill, red.) Cornell Lab of Ornithology, Ithaca, NY, USA. https://doi.org/10.2173/bow.aldfly.01}}
- ↑ Farnsworth, A.; Lebbin, D. J. (2020). del Hoyo, J.; Elliott, A.; Sargatal, J.; Christie, D. A.; de Juana, E. (red.). «Black-capped Flycatcher (Empidonax atriceps), version 1.0». Birds of the World Online. Cornell Lab of Ornithology, Ithaca, NY. doi:10.2173/bow.blcfly1.01.
- ↑ Gill F, D Donsker & P Rasmussen (Eds). 2025. IOC World Bird List (v15.1). doi : 10.14344/IOC.ML.15.1 Henta 25. april 2025
- ↑ «Norske navn på verdens fugler». Norsk navnekomité for fugl (NNKF). 25. april 2025. søk på Empidonax
- ↑ BirdLife International (2024). «Empidonax». IUCN - Global raudliste. Henta 25-04-2025.
{{cite web}}: Check date values in:|vitja=(hjelp)