Englehatten og andre forteljingar
 | |||
| Forfattar(ar) | Halvor Floden | ||
|---|---|---|---|
| Språk | nynorsk | ||
| Sjanger | barnebok | ||
| Utgjeven | 1919 | ||
| Forlag | Olaf Norlis Forlag | ||
Englehatten og andre forteljingar er ei barnebok frå 1919 av Halvor Floden.[1] Det er ei novellesamling med fire noveller. Da boka kom i ny utgåve i 1930 var det lagt til ei ny, femte novelle.[2]
Bakgrunn
[endre | endre wikiteksten]Boka var den einaste barneboka på nynorsk dette året.[3] Boka kom ut etter at Floden hadde blitt lærar i Hernes,[4] og budde på småbruket Svea (Schulstadsvea) som han hadde kjøpt i 1916.[5] Halvor og Anne Floden hadde på denne tida 4 barn, fødd 1907–1915.[6]
Innhald
[endre | endre wikiteksten]Novellene i boka er «Englehatten», «Då eg var kunstnar», «Fatig» og «Maurkongen». Den femte novella, som vart lagt til i 1930, er «Medalja». To av novellene hadde tidlegare vore trykte i Juletre, juleheftet til Norsk Barneblad; «Fatig» og «Maurkongen».[7][8][9] Slik det er vanleg hos Floden, er handlinga lagt til ei austnorsk skogbygd.[10]
Tema for novellene er mellom anna barnetru, fattigdom, uvennskap og å ta æra for noko ein annan har gjort.[11] I «Maurkongen» blir mauren ein metafor for styrke.[12] Novella handlar om uvennskap og revirhevding mellom to gutar som til slutt klarer å samarbeide.[12] Dei to første novellene («Englehatten» og «Då eg var kunstnar») er sjølvbiografiske minne; den første om mora og om barnetru, den andre om marerittaktige fantasiar som oppstår etter ei dokketeaterframsyning.[13][14]
Omtale
[endre | endre wikiteksten]Fleire bokmeldarar peiker på at Floden viser god innsikt i barns tankegang og psykologi.[15][16][17] Arne Garborg er inne på det same i eit brev til Floden i 1920: «desse smaagutsogene, serleg dei tri fyrste, høyrer til det beste eg har lese, so friske, livfulle, psykologisk sanne er dei ...»[11]
Novella «Englehatten» blei i 1957 tatt med i 6. bindet av Thorbjørn Egners lesebøker, i forkorta form og med tittelen «Halvor og englehatten».[18]
Referansar
[endre | endre wikiteksten]- ↑ Floden, Halvor (1919). Englehatten og andre forteljingar. Kristiania: Norli.
- ↑ Floden, Halvor (1930). Englehatten og andre forteljingar. Oslo: Norli.
- ↑ «Syn og segn». Oslo. 1919. s. 432.
- ↑ «Norsk skoletidende». Hamar. 1916. s. 836.
- ↑ Norske gardsbruk : Hedmark fylke. 1. Oslo. 1943. s. 426.
{{cite book}}: CS1 maint: location missing publisher (link) - ↑ Halvor Floden; Historisk befolkningsregister
- ↑ Guri Velure (1984). «Bibliografi». Ei bok om Halvor Floden. Årbok for Glåmdalen. s. 80-102.
- ↑ «Norsk barneblad». Oslo. 1919. s. 322.
- ↑ «Maurkongen». Norsk barneblad. 1916. s. 413-416.
- ↑ Tordia Ørjasæter, m.fl. (1981). Den norske barnelitteraturen gjennom 200 år. Oslo: Cappelen. s. 203. ISBN 8202019052.
- 1 2 Ljødal, Gunner (2020). Halvor Floden : skolelærer og forfatter. Balder forlag. s. 36, 259. ISBN 9788293247296.
- 1 2 Goga, Nina (2013). Gå til mauren : om maur og danning i barnelitteraturen. Kristiansand: Portal. ISBN 9788292712993.
- ↑ Sigrun Okkenhaug (1919). «Halvor Floden». Nordenfjeldsk Tidende 1919.12.19. s. 2.
- ↑ Dag Hareide (1984). «Livssynet til Halvor Floden». Ei bok om Halvor Floden. Årbok for Glåmdalen. s. 62-80.
- ↑ «Literatur». Morgenavisen. Bergen. 1919-12-16. s. 3.
- ↑ «Literatur». Morgenposten 1919.12.19. Oslo. 1919. s. 8.
- ↑ «For folkeoplysning : tidsskrift for boksamlinger og folkeakademier». Oslo. 1920. s. 160.
- ↑ Egner, Thorbjørn (1957). Thorbjørn Egners lesebøker. 6 : Det var en gang : for annen halvdel av fjerde skoleår. Oslo: Cappelen. s. 161-167.