Eric Thorsell

Frå Wikipedia – det frie oppslagsverket
Hopp til navigering Hopp til søk
Eric Thorsell
Fødd 28. desember 1898
Munktorp
Død

7. september 1980
Surahammars kommun

Yrke LGBT-aktivist

Eric Thorsell (fødd 28. desember 1898 i Munktorp, død 7. september 1980 i Surahammar) var ein svensk organisasjonsmann og aktivist aktiv i arbeidarrørsla, fråhaldsrørsla og i seksualopplysningsrørsla. Han arbeidde som jarnarbeidar ved jarnverket i Surahammar.

Thorsell vart fødd som uekte son av ei tenestejente. Thorsell vart tidleg fråhaldsmann og IOGT-godtemplar, og fekk si «utdanning» gjennom den lokale IOGT-foreininga sitt bibliotek og eit vinterkurs på Brunnsviks folkhögskola. Politisk tilhøyrte han Socialdemokratarna og hadde òg kommunale verv som politikar.

Riksförbundet För Sexuell Upplysning[endre | endre wikiteksten]

Thorsell oppdaga tidleg at han var homofil og vart sterkt påverka av Elise Ottesen-Jensens seksualopplysningsarbeid som også inkluderte større samfunnsmessig aksept for homoseksualitet. Ottesen-Jensen oppmuntra han til å arbeida særskilt for homofile sine rettar, og vinteren 1931-32 fekk han med tilrådingsbrev frå Ottesen-Jensen høve til å besøka Instituttet for Seksualvitskap i Berlin, leia av pioneren for den tyske homorørsla, Magnus Hirschfeld. På 1930-talet prøvde han å starta eit svensk tidsskrift for homofile samt ei skandinavisk interesseforeining for det same. Han heldt 10. februar 1933 det som må ha vore eitt av dei første offentlege foredraga i Sverige om homoseksualitet, med tittelen Är de homosexuella rättslösa eller förbrytare?.

To veker seinare vart Riksförbundet För Sexuell Upplysning skipa, med Ottesen-Jensen som leiar. Thorsell engasjerte seg frå starten i opplysningsarbeidet generelt og homosaka spesielt.

Thorsell engasjerte seg òg seinare i diskusjonar om homoseksualitet, og var involvert då den svenske homoorganisasjonen Riksförbundet För Sexuellt Likaberättigande vart skipa i 1950.

Kjelder[endre | endre wikiteksten]

  • Denne artikkelen bygger på «Eric Thorsell» frå Wikipedia på svensk, den 23. juni 2012.
  • Söderström, Göran (1999). Sympatiens hemlighetsfulla makt. Stockholm: Stockholmia. ISBN 91-7031-095-5
  • Thorsell, Eric og Fredrik Silverstolpe (1980). En homosexuell arbetares memoarer. Stockholm: Barrikaden. ISBN 91-85328-76-6
  • Wolfert, Raimund: Svensk-tyske møter. Jernverskarbeideren Eric Thorsell ved Magnus Hirschfelds Institutt for seksualvitenskap og hans forbindelser til Berlin. I: Lambda Nordica - tidsskrift för homosexualitetsforskning, 6 (4), s. 37-53.