Erling Steinvegg
(Omdirigert frå Erling Magnusson Steinvegg)
| Erling Steinvegg | |||
| Fødd | 12. hundreåret | ||
|---|---|---|---|
| Død | 1207 | ||
| Barn | Sigurd Ribbung | ||
Erling Magnusson Steinvegg var baglarane sin kandidat til å vera norsk konge. Han var baglarkonge i tida frå 1204 til 1207.[1] Etter deira meining var han son av kong Magnus V Erlingsson. Baglarane fekk stønad av danskekongen Valdemar II Sejr. Kong Valdemar møtte i Tunsberg med stor krigsflåte. Erling Steinvegg bar jernbyrd for å visa at han var av kongeleg ætt.[2] Baglarane sette seg i Vika kring Oslo, og gjorde hærtog opp mot Nidaros. Erling Steinvegg døydde i mars 1207, og Filippus Simonsson fekk rolla som nytt kongsemne for baglarane.[3]
I borgarkrigstida var det vanleg at fleire kongssøner kjempa mot kvarande om makta i Noreg.
Sigurd Ribbung, som Ribbungane hadde som kongsemne, var rekna som son av Erling Steinvegg.[4]
Kjelder
[endre | endre wikiteksten]- ↑ «Erling Steinvegg». Store norske leksikon.
- ↑ Norges kongesagaer - Haakons, Guttorms og Inges saga. Sett om av Alexander Bugge. Kristiania: Stenersens forlag. 1914. s. 9-12.
- ↑ Per Kristian Johansen (11. juli 2005). «Erling (Magnusson) Steinvegg, Inge 2 Bårdsson og Filippus Simonsson». NRK.
- ↑ «Sigurd Ribbung». Store norske leksikon.
