Erling Petersen

Erling Petersen
Statsborgarskap	Noreg
Fødd	13. juli 1906 Bærum kommune
Død	29. august 1992 (86 år) Oslo
Yrke	samfunnsøkonom, politikar
Språk	norsk
Politisk parti	Høgre
Medlem av	Det Norske Videnskaps-Akademi

Erling Helmer Petersen (13. juli 1906–29. august 1992) var ein norsk samfunnsøkonom og politikar for Høgre frå Bærum, busett i Oslo. Han var professor i økonomi både ved Norges Handelshøyskole og ved Universitetet i Oslo. Petersen representerte partiet Høgre på Stortinget i 20 år; 1954-73. Jan Petersen er brorsonen hans.

Erling Petersen var son til ein offentleg tenestemann. Han tok examen artium i 1925 og vart cand.oecon. (statsøkonomi) frå Universitetet i Oslo i 1927. Frå 1929 arbeidde han i Statistisk sentralbyrå. Han var i tillegg universitetsstipendiat frå 1933 og vart i 1939 dr.philos. med avhandlinga Macro-dynamic Aspects of the Equation of Exchange. I 1942 vart han tilsett som professor ved Norges Handelshøyskole, ein posisjon han hadde til 1952. Sommaren og hausten 1945 var han leiar for pengesaneringa i Noreg, og i åra fram til 1953 var han økonomirådgjevar for Noregs Bank. Petersen var professor i statsøkonomi og statistikk ved Universitetet i Oslo frå 1953 til 1973.

Petersen vart vald til stortingsrepresentant for Høgre frå Oslo hausten 1953. Han vart attvald fire gongar og sat såleis på Stortinget til 1973. I den fyrste fireårsperioden var han medlem i Finans- og tollkomiteen, sidan i 16 år i Utanriks- og konstitusjonskomiteen. Han var landsstyremedlem i Høgre frå 1968 til -71.

Petersen skreiv ei rad bøker om pengespørsmål og historieverk om finansverksemder og anna.

Kjelder

• Norsk Allkunnebok. IX. bandet. 1958

Bakgrunnsstoff

• «Erling Petersen». Stortinget.no.