Erling Sverdrup
| Erling Sverdrup | |||
| Fødd | 23. februar 1917 Bergen | ||
|---|---|---|---|
| Død | 15. mars 1994 Oslo | ||
| Nasjonalitet | Noreg | ||
| Område | kryptografi | ||
| Yrke | matematikar, statistikar, professor | ||
| Institusjonar | Universitetet i Oslo Etterretningstenesta Økonomisk institutt | ||
| Alma mater | Universitetet i Oslo | ||
| Medlem | Det Norske Videnskaps-Akademi Det Kongelige Norske Videnskabers Selskab Institute of Mathematical Statistics | ||
Erling Sverdrup (23. februar 1917–15. mars 1994) var ein norsk statistikar. Han har fått mykje av æra for å ha bygt opp faga matematisk statistikk og det moderne aktuarstudiet i Noreg.[1]
Biografi
[endre | endre wikiteksten]Sverdrup var under heile andre verdskrigen engasjert i chifferteenesta. Han vart beordra til ei rekkje stader verda rundt for å organisere det norske chiffersambandet, og var deretter to og eit halvt år i London. Frå hausten 1944 og til slutten til krigen tenestegjorde han i Finnmark. Han fullførte aktuarembetseksamenen sin hausten 1945.
I 1948 vart Sverdrup vitskapleg assistent ved Forsikringsteknisk Seminar, der utdanninga av aktuarspesifikke fag føregjekk. Han var nokre studieår i USA som stipendiat og tok doktorgraden i 1952. I 1953 vart han utnemnd til professor i forsikringsmatematikk med matematisk statistikk ved Universitetet i Oslo, ei stilling han hadde til han gjekk av med pensjon.
Han var æresmedlem av Norsk statistisk forening, og i samband med 70-årsdagen hans vart det utgjeve eit festskrift. Han var òg æresmedlem i Den Norske Aktuarforening, først og fremst for innsatsen sin for utvikling av aktuarfaget og aktuarutdanninga i Noreg.[2] I perioden 1968-1982 var han norsk redaktør av Scandinavian Actuarial Journal.
Han vart medlem av Det Norske Videnskaps-Akademi i 1954 og Det Kgl. Norske Videnskapers Selskap i 1981.
Kjelder
[endre | endre wikiteksten]- Denne artikkelen bygger på «Erling Sverdrup» frå Wikipedia på bokmål, den 10. november 2011.
- Wikipedia på bokmål oppgav desse kjeldene:
- ↑ Borgan, Ø. (2004) Sverdrup, Erling (1917-1994). Encyclopedia of Actuarial Science sine (eid sin. J.L. Teugels and B. Sundt), vol 3, s. 1665-1666.
- ↑ E. Falk, G. Harbitz jr., H. Haugland og A. Aamodt: filt/2004312.pdf Den Norske Aktuarforening 100 år, 2004[daud lenkje]