Fåberg kyrkje
| Fåberg kyrkje | |||
| Fåberg kirke | |||
 Foto: Mahlum
| |||
| Kyrkjesamfunn | Den norske kyrkja | ||
|---|---|---|---|
| Bispedøme | Hamar | ||
| Prosti | Sør-Gudbrandsdal | ||
| Sokn | Fåberg | ||
| Fellesråd | Lillehammer | ||
| Type | Krosskyrkje | ||
| Arkitekt | Svend Olsen Traaseth | ||
| Teknikk | Lafteverk | ||
| Material | Tre | ||
| Innvigd | 23. februar 1727 | ||
| • Endringar | 1884, 1901, 1955 | ||
| Tårn | I vest | ||
| Kyrkjegard | Ved kyrkja | ||
| Preikestol | Johannes Ellingsen Segalstad, 1730-talet | ||
| Døypefont | Kleberstein, 1100-talet | ||
| Altartavle | 1730-talet | ||
| Sitjeplassar | 370 | ||
 Fåberg kyrkje 61°09′37″N 10°22′18″E / 61.16030556°N 10.37175°E | |||
| Wikimedia Commons: Fåberg kirke | |||
Fåberg kyrkje er ei krosskyrkje frå 1727 i Lillehammer kommune, Oppland fylke.
Bygningen er av tømmer og har 370 sitjeplassar. Det er ei krosskyrkje, slik dei fleste kyrkjene vart bygde på 1700-talet i Gudbrandsdalen, inspirert av domkyrkja i Oslo. Fåberg er den einaste med tårnet i vest; dei andre har sentraltårn. Ein trur at det kan vere den lokale byggmeisteren Svend Olsen Traaseth som var byggmeister for kyrkja. Han bygde sidan fleire kyrkjer i Gudbrandsdalen og Valdres.
Kyrkja vart modernisert på 1800-talet: Interiøret vart forenkla og veggane kvitmåla. Ved ei restaurering i 1956 vart kyrkja ført tilbake til sin gamle stil.
Døypefonten av kleberstein er frå 1100-talet. Altartavla har eit bilete som er måla av Fåberg-målaren Ole Larsen Smerud. Han hadde fått målaropplæring i København, der han var kongeleg våpenmalar. Måleriet av Jesus på krossen vart gjeve som gåve til kyrkja i 1810.
To portalar frå den gamle stavkyrkja i Fåberg er oppbevart på Kulturhistorisk museum i Oslo. Eit krusifiks frå mellomalderen er på Maihaugen. Den gamle almissetavla frå kyrkja frå 1668 er no i Garmo stavkyrkje på Maihaugen.
På kyrkjegarden finn ein mellom anna to krigsgraver for allierte soldatar (Commonwealth War Graves) frå fyrste verdskrig, og nord for kyrkja er ein runestein som vart funnen i området.
-
Altartavle av Johannes Ellingsen Segalstad -
Preikestol av Johannes Ellingsen Segalstad -
Døypefont -
Orgel frå NOHF
Kjelder
[endre | endre wikiteksten]- Denne artikkelen bygger på «Fåberg kyrkje» frå Wikipedia på bokmål, den 1. august 2013.
Bakgrunnsstoff
[endre | endre wikiteksten]- Fåberg kirke 1727-1977. Fåberg menighetsråd. 1977.
- «Fåberg kyrkje». Kirkesøk. Den norske kyrkja.
- Rasmussen, Alf Henry (1993). Våre kirker. Norsk kirkeleksikon. Kirkenær: Vanebo forlag. s. 602. ISBN 82-75-27022-7.
- Fåberg kyrkje i kulturminnesok.no, nettstaden til Riksantikvaren